Главная

Москвада мавлид

Москвада мавлид

Рабиуль-Аввалдин вацра Москва шегьерда, «Азимут сити» лугьудай дараматда лезги халкьдин мавлид кьиле фена. Ам РД-дин Муфтиятдин векилри тешкилнавай.

Мярекатдал сад лагьай гаф лезги «Ас-Салам» газетдин редактор Гьасан Амахановаз гана. Ада газет кхьизвайбуруз, ам раиж авунин кардик чпин пай кутазвайбуруз чухсагъул лагьана ва вичин насигьат Мугьаммад Пайгъамбардикай ﷺ , адан асгьабрикай (дустарикай), абурун арада авай гьуьрмет-хатурдикай авуна.

Гуьгъуьнлай Мегьарамдхуьруьн райондин имамрин Советдин председатель Алихан Сефиханов рахана. Ада аялриз диндин тербия гунин важиблувиликай ахъайна.

ГьакIни инал мухбир (журналист) Руслан Къурбанов, алим Мугьаммадрасул Гимбатов ва масабур чи халкьдин тарихдикай, диндарвиликай, жемятдин садвиликай рахана.

Мярекат Москва шегьерда РД-дин Муфтиятдин векил Муслим Гъазимегьмедова кьиле тухвана.

Рахунрин арайра Заур Салигьова ширин сесиналди мавлидар кIелна.

Межлисдал атанвай кьван аялриз пишкешар ва дишегьлийриз къизилгуьлдин цуьквер пайна. ГьакIни иштиракчийрин арада умрадин путевка къугъвана ва ам Сулейман-Стальский райондай тир са дишегьлидиз акъатна.

Гуьгъуьнлай сегьнедал экъечIай пагьливан Ханапиев Умара вичиз Аллагьди ﷻ ганвай алакьунралди кIватI хьанвайбур гьейранарна.

Эхирдайни иштиракчийри вирида санал чи халкьдиз ва вири мусурманриз хушбахтвилин дуьаяр авуна.

2026-07-01 (Мугьаррам 1448 г.) №7.


Руьгь гьамга хьиз михьибур…

Лагьанач лугьумир!   Санал акъудиз бахчада йикъарни-йифер, Дустар хьанва къаргъаярни лифер. Гьа тегьерда дустар жезва кицIни кац, Шадвал ийиз, сада-садав вугуз пац. Алахъзавай масадан фу яванриз, И кар чешне туш са бязи инсанриз. *** Пеше кьунач, закай хьанач гъуьрчехъан, Алава яз,...


Женнетдин няметар

1. Аль-Мугъира бин Шу`бади агакьарайвал, Аллагьдин Расулди ﷺ лагьана: «Са сеферда Мусади вичин Раббидивай ﷻ хабар кьуна: «Женнетда авай инсанрикай виридалайни агъада авай гьал низ жеда?»   Ада жаваб гана: «Ам Женнетдин вири агьалияр Женнетдиз фейидалай кьулухъ атай...


Аялриз Исламдин тербия гунин эдебар

Эгер аялрик хъсан эдебдин къайдаяр кутунвачтIа, диде-бубайриз уьмуьрда шад йикъар аквадач. И уьмуьрда инсандин бахтлувал ва бахтсузвал хъсан къилихдин несил тербияламишиз алакьунилай аслу я.   Виридаз тежрибадай малум я хьи, диде-бубдин кIвале гьихьтин секинвал жезватIа, эгер аялар тербия...


Дуьнья кlан хьунин мусибат

Инсанар ва чинерар, Къуръанда лугьузвайвал, Аллагьди ﷻ анжах Вичиз ибадат авун патал халкьнава. Анжах абур и дуьньяди алдатмишарзава. Малум тирвал, дуьнья кlан хьайи касдиз эхират такlан жезва, ада гьалал-гьарам лугьун тавуна дуьньядин девлет къазанмишзава ва Халикьдивай ﷻ яргъа...


СУАЛ-ЖАВАБ

Эгер бедендин тамам дастамаз (полное купание) къачудай чlавуз бедендин са пай чуьхуьн тавуна амукьайтIа, ахпа вири беден чуьхуьн хъувуна кIан жезвани, тахьайтIа гьа пай чуьхуьн хъувун бес жезвани? Тамам дастамаз къачудайла нубат хуьн ферз тахьуниз килигна, анжах чуьхуьн тавуна амукьай пай чуьхуьн...