МехкIуьт
Финер жагъурун четин хьуниз килигна, лезгийри и ширинлух алай вахтунда акьван гьазурзамач. Гьавиляй бязибурун ри¬кIелай ам гьазурдай къайдани алатнава.
МехкIуьт гьазурун патал чаз герек къведа¬:
- Чкалдикай михьнавай кIерецар — 250 гр;
- Финер — 300 гр;
- Хатрутрикай гьазурнавай мед — 300 мл.
КIерецар 2-3 декьикьада сачунал чрана, кIар гана ва я регъвена, жезмай кьван куьлуь ийида.
Финер артухан затIарикай михьна, 2-3 декьикьада сачунал чрада¬.
Чранвай финер гъилин регъверин ва я як регъведай машиндин куьмекдалди жезмай кьван куьлуь ийида. Вилик вахтара финерни кIерецар кIарасдин ва я ракьун такIуна кIар гана регъведай, исятда и кар регьятдиз ийидай гзаф алатар ава. Гьикьван куьлуь хьайитIа, гьакьван хъсан жеда.
Мед ягълавдаваз яваш цIал эцигна, чими ийида. Хъсан чими хьана, винел кIур-кIур акъатиз гатIунайвалди, ягълавдин кIаник квай цIай хкудда. Финерни кIерецар сад-садак какадарна, винелай хатрутрин миже цада.
Хкуьрна хъсандиз, элкъвей кIватIар хьтинбур авуна, чайдихъ га¬лаз вилик гъида. МехкIуьт гьазур я. Нуш хьурай!
НАРИМА АГЬМЕДОВА
