Главная

Вуч? Гьина? Мус?

Вуч? Гьина? Мус?

Цин хуруз фин балугъриз гьикьван четин я?

Балугъри цин хуруз фидайла, абуру секин це сирнав ийизвайдалай тIимил къуват харжзава. Идаз яд элкъвезвай чкайрикай балугъриз менфят къачудай алакьун хьунал баян гуз жеда. Абуру асул кар алай жакIумриз лап тIимил гуж гуз са патай муькуь патаз къекъуьрунар ийизва. Сирнав авунин ихьтин къайда елкен алай чIехи луьткве гарун къаншардиз финихъ галаз гекъигиз жеда.

Вучиз микьнатIисдин (магнитдин) компасди кефер пад дуьз къалурзавач?

Адетдин микьнатIисдин компасди кефер пад дуьз къалурзавач, вучиз лагьайтIа кефердин микьнатIисдин полюс географиядин полюсдал ацалтзавач. Адалай артух яз, ам гьамиша са чкадай маса чкадиз физва. Исятда ам гьеле Канададин Арктикадин сергьятра ама, амма йисан къене 64 километрдин йигинвал аваз Таймыр галай патахъ физва.

Чайдикай ва къагьведикай (кофе) авай гекъигунин зиян чпел тежрибаяр тухузвай (подопытные) кьветхверрал чириз алахъайди вуж я?

Шведрин пачагь III лагьай Густава са сеферда вичи ахтармишун кьетIна – инсандиз квекай гзаф зиян ава: чайдикай ва я къагьведикай? И кар ахтармишун патал, кьиникьин жаза ганвай кьве кьветхвер хкяна. Сад лагьайдаз йикъа пуд сеферда чIехи фенжанда авай чай гузвай, кьвед лагьайдаз – къагьве. Пачагь вич ахтармишун акьалтIдалди амукьнач, ам яна кьена. Кьветхверар яргъалди яшамиш хьана, амма абурукай 83 йисан яшда аваз сифте кьейиди чай хъвазвайди хьана.

Гьеле Пирр пачагьдал къведалди фад Пирран гъалибвал ни къачунай?

«Пирран гъалибвал» ибара – им кIаник акатуниз барабар гъалибвал я – арадал атун дегь заманадин Грециядин Эпир гьукуматдин пачагь Пирраз талукь я. Чи эрадал къведалди 279-йисуз адан кьушунди римвийрихъ галаз хьайи женгина гъалибвал къачуна, амма чпиз хьайи телефвилер акурла, Пирра лагьана: «Мад ихьтин са гъалибвал хьайитIа, зун кьушун амачиз амукьда».

Амма гьеле и дяве жедалди къадим заманадин авторри кхьей затIара «кадмейдин гъалибвал» ибара гьалтзава. Им гьадаз тешпигь тир, Фива шегьердин бине кутур кьисайрик квай хьтин, Кадмадин кьушунди аргиввийриз акси тир дяведа къачур четин гъалибвал я.

2026-03-01 (Рамадан 1447 г.) №3.


Устаздиз гьуьрмет авунин эдебар

Эвел алатай нумрада   Устазди ганвай, Аллагьдиз ﷻ зикир авунин, тапшуругъар вахтунда, эдебдин къайдаяр кьиле тухуз, тамамариз алахъ. Са гьихьтин ятIани себеб аваз ахъа хьайи вирд эвез хъийиз алахъ. Метлеблу ва устаздиз хийир авай крар хабар кьун тавуна авуртIани жеда, амма ада...


ФитIр закатдин важиблувал

Закату-ль-ФитIр – сагь гьар са мусурманди, Рамазан вацра сивер хуьн-техуьнилай аслу тушиз гузвай ферз тир садакьа я. Умаран хва Абдуллагьа Пайгъамбардин ﷺ гьадис ахъайна: «Мусурманрин арадай итим ва дишегьли, азадди ва лукI талагьна, Рамазан вацра закату-ль-ФитIр гун гьар са инсандиз...


Сура аль-А`раф (Манийвилер)

эвел алатай нумрайра   Муса фейила (Синай дагъдиз), адан халкьди (самаритянвидин меслятдалди) чпин безекрикай (цIурурна) му-у ийиз гьарайдай жунгав авуна (ва адаз ибадат ийиз гатIумна). Абуруз аквазвачирни кьван, ам чпихъ галаз рахан тийизвайди ва абур (дуьз) рекьел эциг тийизвайди?! Абуру ам...


Хъсанди писдал дегишармир!

Инсан гьамиша хкягъун мажбур жезва ва амни гьамиша хъсандан ва писдан, гьалалдин ва гьарамдин арада туш. Гзаф вахтара чна лап агъада авайдан ва лап вини дережада авайдан арада хкязава: регьят ва вердиш тирдан ва адалай чIехи мана авайдан.   Къуръанда Аллагьди ﷻ кьетIен регьим багъишнавай...


Иманди дуьзвал истемишзава

Эвел алатай нумрада   Эгер куьн бизнесмен ятIа, жувавай хабар яхъ: квез гьихьтин ниятдалди куь мал-девлет артухариз кIанзава? Мусурманриз хийир гудай крариз харж авунин ниятдалди? Муьгьтежбуруз, етимриз, кесиб хизанриз куьмек гун патал? Куьне куь пул мусурманрин игьтияжриз харж...