Важиблу месэла
Важиблу месэла
Вичин умуьрда капI-тIеат тавуна, ички хъваз уьмуьр кечирмишна кечмиш хьайи касдихъ Къуръан, зикир кIелуникай, садакьа гуникай хийир жедани?
Гьелбетда, кьейидалай кьулухъ мукьва-кьилийри садакьаяр гайила гунагьрикай михьи жеда лугьуз, капI тавун, ички хъун ва маса гунагьар авун къадагъа я. Амма гунагьрикай туба ийиз агакь тавуна кечмиш хьайи касдихъ садакьаяр гудай ва дуьаяр кIелдай ихтияр ава.
Куьрелди лагьайтIа, мусурман яз и дуьньядилай фенвай касдихъ, ада гьикьван гунагьар авунватIани, дуьяр кIелун, садакьаяр гун къадагъа туш. Идалайни гъейри, гьа ихьтин кас винидихъ лагьай крарихъ виридалайни гзаф муьгьтеж я.
Анжах суннат садакьа гудалди адан хиве амай ферз кпIарин ва сиверин гьакъиндай буржар (кафарат) вахкана кIанда. Абур вахкун патал такьатар ада тунвай ирсдикай къачуда. ГьакIни, эгер кьенвай касдиз гьаж ийидай мумкинвал хьана, ам тавунваз ва я девлетдилай закат таганваз хьайитIа, абурни адан паталай чарасуз кьилиз акъуд хъувуна кIанда.
