Совет девюрдеги къатынланы гьиллалары

Совет девюрдеги къатынланы гьиллалары

Совет девюрдеги къатынланы гьиллалары
  • Бырын заманлардан къалгъан эт тюеген чоюн алатыгъыз (мясорубка) бар буса, шону бичакъларын эгеген кюйню билмеге яман болмас. Шолай алатдан къатгъан экмекни чыгъартмагъа тарыкъ. Натижада эки муратгъа етишебиз: бичакъланы итти этебиз, панировочный сухарилерибиз де бола.
  • Совет девюрде каш биширегенде бир-бирде чий явлукъ (полотенце) къоллана болгъан… Шону кёмеги булан каш татувлу бише болгъан. Каш къайнагъан сонг, къазанны печден тайдырып, шону чий явлукъгъа чырмайбыз ва шо кюйде 40 минутгъа яда бир сагьатгъа къоябыз. Шо кюйде оьзге ашланы да гьазирлемеге ярай.
  • Уьйдеги этни туврамакъ учун, эт тюеген алат ёкъ заманда, этни нечик туврамагъа бола? Этни морозильникге салып бузлатабыз, сонг бираз иримеге башлагъанда – къыравучдан (тёрка) чыгъартабыз.
  • Аякъгийимни уьстюне урмакъ учун тарыкълы тюсдеги крем ёкъ заманда, СССР-ден гелген вазелин кёмек этер. Аякъгийимни уьстюне вазелин сюртюп, 15 минутгъа къоябыз, сонг къуру чюпюрек булан яхшы кюйде ишыйбыз.
  • Совет девюрде охумакъдан къайры газетлени оьзге ишлер учун да кёп къоллай болгъан. Масала, тамлагъа обой ябушдургъанча бир башлап газет ябушдура болгъан. Жувулгъан терезелени ишып газет булан къурутса, шишада ёлакъ къалмай.

    •  

     

    Юлия Зачёсова

    2026-03-01 (Рамазан 1447 г.) №3.


    Анварны музейи – яратывчулукъну очагъы

    Кёплер биледир Магьачкъалада уллу шаирибиз Анвар Гьажиевни атындагъы музей барны. Къумукъ поэзияны классиги, Дагъыстанны халкъ шаири яшагъан уьй, яратгъан ери аявлап жыйылгъан ва къаравчулар учун сав йыл ачылгъан. Мунда шаир яшагъан кюй сакълангъан, ол къоллагъан савутлар, алатлар, китаплар, огъар...


    Кёп сюеген Пайхаммарыбызны ﷺ гьакъында бек билейик

    Расулуллагьны ﷺ савуту   (Давамы. Башы алдагъы номерлерде)   Мугьаммат ибну Сиринден булай етишген: «Мен оьзюме Сумрат бин Жундубнуки йимик къылыч этдирмеге сюйдюм. Ол буса, оьзюню къылычы Расулуллагьныкине ﷺ ошатып этилген деди» (ат-Тирмизи).   Пайхаммарны ﷺ...


    Илмугъа элтеген ёл

    Билим алывну ёлуна тюшген алимлер ва сыйлы адамлар, илмугъа агьамият бермекден къайры, оьзюн нечик тутма герекни де ахтаргъан, шону булан байлавлу эдеплени де аяп юрютген. Гьакъны билмеге белсенген муталим оьзюню насигьатчысына юваш кюйде таби болмагъа герек, авруйгъан гиши докторгъа инамлыкъ...


    Эсги кагъызлар

    Къырда сувукъ эди, шо саялы Марат шарфын тап гёзлерине ерли тартып байлагъан. Яшлар бавундан уьюне ерли ол бир сёз де айтмай иннемей юрюй.   – Не арыдым яяв юрюме! Уьстюмде кёп опурагъым да бар! – деп ол уьюне гирип аякъгийимлерин чечегенде кант эте. – Къыш гелген чи, шо...


    Хатирин къалдырыв – авур юк

    Къайсы тиштайпаны да яшавунда ювукъ адамына, къурдашына хатири къалагъан гезиклер бола. Хатири къалгъанлыкъдан заманында арчылмаса, – къатынгишини авур хасиятына гёре, шо, озокъда, тынч иш тюгюл, – булар йыллар булан жыйыла туруп, аралыкъланы агъулай, оьсмекге пуршав эте, муратлагъа...