Зугьа

Сюннет намазланы бириси зугьаны къылмакъ бек шабагъатланагъан ишлерден. Зугьа намазны сыйлылыгъы, зувабы кёпдюр. Шону гьакъында бир-нече гьадислени айтайыкъ.

Абу Гьурайра булай етишдирген: «Магъа Пайхаммар ﷺ васият этип: “Сен гьар ай уьч гюн сюннет ораза да тут, эки ракаат зугьа намазны да ва юхлагъанча витру намаз да къыл”, – деп айтды» (Бухари, Муслим). Пайхаммарыбыз ﷺ шо гьакъда булай да айтгъан: «Ким эки ракаат зугьа намазгъа даимчилик этсе, Аллагь ﷻ ону гюнагьларындан гечер, шо гюнагьлар денгизни гёбюгю чакъы болса да» (Ибн Мажагь, Тирмизи). Зугьа намазны вакътиси гюн чыгъып он минутлар гетип тюш намаз болгъунча бола. Негети булай айтыла: «Мен негет этдим эки ракаат сюннет зугьа намазны Аллагь ﷻ учун къылмагъа Аллагьу Акбар».