Къапуста булан тавукъ этден этилген шорпа
Сувукъ вакътиде ичин исиндиреген ашлар айрокъда агьамиятлы. Шогъар гёре, къапуста булан тавукъ этден биширеген шорпаны таклиф этебиз.
Тарыкълылар: тавукъ эт – ярым килогъа ювукъ; орта оьлчевдеги картоп – 3 тарыкъ; сувгъа салынгъан къапуста – 400 грам; чита (морковь) – 1 тарыкъ; согъан – 1 баш; лавр терекни япырагъы – 1 тарыкъ; туз, бурч – гьар ким сюеген кюйде; олай да, яшылчалар (зелень) – сюйген кюйде салына.
Тавукъ этни жувуп, къазанда бишгенче биширебиз, гёбюгюн тайдырма унутмайыкъ. Сонг шорпасын сюзебиз (этмесе де ярай деп санала).
Картопну гиччи этип гесебиз, сонг шорпагъа къошабыз ва картоп йымашагъанча биширебиз. Шондан сонг шорпагъа бишген тавукъ эт къошабыз.
Картоп къайнайгъан заманда къазангъа къошагъан оьзге затланы гьазирлейбиз: увакъ этип согъан туврайбыз, читаны къыравучдан чыгъарабыз, сонг буланы булгъап, ялгъавда урлукъ май булан къызартабыз.
Картоп йымышакъ болгъанда, шо гьазирлеген затланы, сувгъа салынгъан къапуста булан биширебиз, къапуста йымышакъ болгъанча.
Сонг муну ичине лавр терекни япырагъын салабыз, тузлайбыз (тузламаса да ярай – къапуста тузлу чу), бурч къошабыз. Буланы барысын да сонг бираз замангъа къазанда къоябыз.
Бошгъапгъа чыгъаргъанча шорпаны уьстюне яшылчалар себебиз. Ашыгъыз татывлу болсун!
