Сыйлы Ораза-байрам булан къутлав

Дагъыстанны муфтиси, республиканы алимлерини Советини председатели шайых Агьмат-афанди уьлкебизни ватандашларын сыйлы Ид аль-Фитр (Ораза-байрам) булан къутлай.

«Ассаламу алейкум ва рагьматуллагьи ва баракатугь!

Аявлу къардашлар ва къызардашлар!

Гьакъ юрекден сыйлы болгъан Ид аль-Фитр байрам булан къутлайман сизин!

Яратгъаныбыз Аллагьны ﷻ буйругъуна гёре, сыйлы рамазан айны гюнлеринде бусурманлар ораза тутду, жамият намазлар къылды, Есибизге дуалар этди. Шо тилеклерде дин къардашларыбызны ва къызардашларыбызны гьар тюрлю балагьлардан, къыйынлыкълардан ва басгъындан эркин этсин деп айтылды. Сыйлы айны узагъында бусурманлар рагьмулу ишлеге садагъасы булан къошулду, къонакъланы къабул этди ва оьзлер де къонакълай барды, билим яйды, болагъан яхшылыгъын этди, айлана якъда бирлик ва къардашлыкъ болсун деп гьаракат этди.

Рамазан – къылыкъ оьсювге болушлукъ этеген, рагьмулукъну ва языкъсынывну, Яратгъаныбыз Оьз къулларына рагьму яягъан ай. Биз бу айны Есибиз бизден гечер деген умут булан ёлгъа салабыз, яхшы ишлерибизде Яратгъаныбыз бизге кёмек этежекге гёз къаратабыз. Гьакъ кюйде, Оьзюне тавакал этегенлер учун, Аллагь ﷻ тамана!

Бары да бусурманланы дуаларын ва оразаларын Есибиз Аллагь ﷻ къабул этсин деп тилеймен. Яратгъаныбыз бизин барыбызны да чомарт кюйде шабагъатласын, разилигин билдирсин ва шу сыйлы айда етишмеге болгъан бары да яхшылыкъларыбызны къалгъан оьмюрюбюзге ерли сакъласын деп алгъыш этемен. Амин!»

2026-03-01 (Рамазан 1447 г.) №3.

Расулуллагьны ﷺ савуту (Давамы. Башы алдагъы номерлерде) Мугьаммат ибну Сиринден булай етишген: «Мен оьзюме Сумрат бин Жундубнуки йимик къылыч этдирмеге сюйдюм. Ол буса, оьзюню къылычы Расулуллагьныкине ﷺ ошатып этилген деди» (ат-Тирмизи). Пайхаммарны ﷺ...

Хадир гече (Ляйлят уль-Къадр) Хадир гече (Ляйлят уль-къадр) – йылны ичинде лап абурлу гече. Ону маънасы гележекни белгилевю ва къудратлыкъны гечеси деп таржума этиле. Шу гече Лавгьуль Махфуздан (Хранимая скрижаль) Ер юзюню тюпдеги кёклерине сыйлы Къуръан китап тюшюрюлген болгъан ва ондан таба...

Къайсы тиштайпаны да яшавунда ювукъ адамына, къурдашына хатири къалагъан гезиклер бола. Хатири къалгъанлыкъдан заманында арчылмаса, – къатынгишини авур хасиятына гёре, шо, озокъда, тынч иш тюгюл, – булар йыллар булан жыйыла туруп, аралыкъланы агъулай, оьсмекге пуршав эте, муратлагъа...

(Давамы. Башы алдагъы номерлерде). Забургъа (Псалтирь) иътикъатынг нечик болма тарыкъ? Мен токъташаман, гертиден де, Забур китап, Аллагьны ﷻ сыйлы китапларыны бириси, Аллагь ﷻ ону Оьзюню пайхаммары Давутгъа йиберген. Сыйлы болгъан Къуръан каламында Аллагь ﷻ булай айта: «Ва...

(Давамы. Башы алдагъы номерлерде) Пайхаммарны ﷺ Мадинагъа къайтыву Къазаватдагъы дав битген сонг да Пайхаммар ﷺ Бадрда дагъы да уьч гюн тургъан. Сонг ол асгери булан Мадинагъа къайтмагъа тербене. Ас-Сафра деген къакъадан чыкъгъанда, Расулуллагь ﷺ уллу хум тёбени къырыйында токътай...

Сыйлы Ораза-байрам булан къутлав