Бир-нече суалгъа жавап…

Бир-нече суалгъа жавап…

Охувчубуз тилеп, Абусуфьян Акаевни китабындан, бусурман адам билмеге герекли бир-нече аслу суалгъа берилген жавапланы печат этебиз.

Ай дин къардаш! Бусурман агьлюлени арасында юрюйген бир-нече соравлар бардыр. Оланы баян этейик:

Суал: Бусурманмысан?

Жавап: Алгьамдулиллагь.

Суал: Сени бусурманлыгъынга мени шеклигим бар.

Жавап: Мени де шагьатым бар.

Суал: Шагьатынг недир?

Жавап: Ашгьаду ан лаилагьа иллалагь ва ашгьаду анна Мугьаммадан Расулуллагь.

Суал: Къачандан берли бусурмансан?

Жавап: Къалубаладан берли.

Суал: Къалубала деген недир?

Жавап: Аллагьу таала къулларыны жанларын яратып, олагъа: «Мен сизин Аллагьыгъыз тюгюлменми?» – деп сорап, олар да: «Дюрсен!» – деп айтгъан заман.

Суал: Атанг кимдир?

Жавап: Адам пайхаммар .

Суал: Ананг кимдир?

Жавап: Адам пайхаммарны къатыны Гьава.

Суал: Сени яратып, сакълап турагъан кимдир?

Жавап: Аллагьу таала.

Суал: Пайхаммарынг кимдир?

Жавап: Мугьаммат ﷺ.

Суал: Дининг недир?

Жавап: Ислам.

Суал: Къыбланг недир?

Жавап: Кааба.

Суал: Мазгьаблар нечедир?

Жавап: Дёрт. Имам Абу Гьанифаны мазгьабы – бир, имам Маликни мазгьабы – эки, имам Шафиини мазгьабы – уьч, имам Агьматны мазгьабы – дёрт.

Суал: Кимни зуррийятындансан?

Жавап: Адам пайхаммарны .

Суал: Кимни миллетинденсен?

Жавап: Ибрагьим пайхаммарны .

Суал: Кимни уьмметинденсен?

Жавап: Мугьаммат Пайхаммарны ﷺ.

Суал: Иътикъадда кимлени мазгьабындансан?

Жавап: Агьлу-ссунати ва жамаатны.

Суал: Амалда кимни мазгьабындансан?

Жавап: Имам Шафиини .

Суал: Динни аслулары нечедир?

Жавап: Уьчдюр – Иман, Ислам, Игьсан.

 

2026-03-01 (Рамазан 1447 г.) №3.


Гьиллалыкъ: шо яхшымы яда яманмы?

Гьиллалыкъ – эки янсынлы иш. Бир якъдан, биз барыбыз да билеген кюйде, намуслу (честный) болмакъ бек яхшы ва тюзевлю аралыкъланы кюрчюсю санала. Башгъа якъдан буса… гертисин айтайыкъ: багъыйсыз гьалдан чыкъмакъ яда масъала чечмек учун, гьар ким де яшавунда бир керен сама да гиччирек...


Пайхаммарны ﷺ яшав ёлу

(Давамы. Башы алдагъы номерлерде)   Пайхаммарны ﷺ Мадинагъа къайтыву   Къазаватдагъы дав битген сонг да Пайхаммар ﷺ Бадрда дагъы да уьч гюн тургъан. Сонг ол асгери булан Мадинагъа къайтмагъа тербене. Ас-Сафра деген къакъадан чыкъгъанда, Расулуллагь ﷺ уллу хум тёбени къырыйында токътай...


Бусурман гиши билмеге тарыкъ аслу илму

(Давамы. Башы алдагъы номерлерде).   Забургъа (Псалтирь) иътикъатынг нечик болма тарыкъ?   Мен токъташаман, гертиден де, Забур китап, Аллагьны ﷻ сыйлы китапларыны бириси, Аллагь ﷻ ону Оьзюню пайхаммары Давутгъа йиберген. Сыйлы болгъан Къуръан каламында Аллагь ﷻ булай айта: «Ва...


Къапуста булан тавукъ этден этилген шорпа

Сувукъ вакътиде ичин исиндиреген ашлар айрокъда агьамиятлы. Шогъар гёре, къапуста булан тавукъ этден биширеген шорпаны таклиф этебиз.   Тарыкълылар: тавукъ эт – ярым килогъа ювукъ; орта оьлчевдеги картоп – 3 тарыкъ; сувгъа салынгъан къапуста – 400 грам; чита (морковь)...


Эсги кагъызлар

Къырда сувукъ эди, шо саялы Марат шарфын тап гёзлерине ерли тартып байлагъан. Яшлар бавундан уьюне ерли ол бир сёз де айтмай иннемей юрюй.   – Не арыдым яяв юрюме! Уьстюмде кёп опурагъым да бар! – деп ол уьюне гирип аякъгийимлерин чечегенде кант эте. – Къыш гелген чи, шо...