Әҙәптәр

Әҙәптәр

Бала ата-әсәһе менән үҙен нисек тоторға тейеш?

 

  • Атай-әсәй һөйләгәндә, иғтибар менән тыңлау
  • Атай-әсәй баҫҡанда, баҫырға
  • Үтенестәрен үтәргә кәрәк
  • Улар саҡырғас уҡ килергә
  • Улар менән яҡшы мөғәмәләлә булырға
  • Ата-әсәңде, теләктәреңде үтәүҙе талап итеп, мәжбүр итергә ярамай
  • Тыңлауың һәм үтенестәрен үтәүең менән уларҙы шелтәләргә ярамай
  • Үпкә һәм асыу менән атай-әсәйгә ҡарарға ярамай
  • Ата-әсәгә ҡаршы килергә, бойороҡтарын үтәүҙән баш тартырға ярамай

 

Ата-әсәләрҙең балаларына ҡарата вазифалары

 

  • Балалар менән яҡшы мөнәсәбәттә булыу
  • Балаларға көстәре етмәҫлек талаптар ҡуймау
  • Ауыр саҡтарҙа талаптар ҡуйып ныҡышмау
  • Аллаһтың бойороуҙарын үтәүгә ҡаршы килмәү
  • Үҫтереүең һәм тәрбиәләүең менән шелтәләмәҫкә

 

Дуҫтарыңа ҡарата вазифалар

 

  • Күрешкәндә, йылмайырға
  • Улар менән беренсе булып иҫәнләшергә
  • Уларға яҡшы мөнәсәбәтеңде күрһәтергә
  • Урын бирергә
  • Дуҫтар киткәндә, тороп оҙатып ҡалырға
  • Улар һөйләгәндә тыңларға
  • Ҡаршы килмәҫкә һәм бәхәсләшмәҫкә
  • Ҡыҙыҡ ваҡиғалар һөйләргә
  • Күркәм исемдәр менән өндәшергә

 

 

Күршеләр менән ниндәй мөғәмәләлә булырға кәрәк?

 

  • Күрешкәндә, беренсе иҫәнләшергә
  • Һөйләшеүҙе һуҙмаҫҡа
  • Артыҡ һорау бирмәҫкә
  • Ауырып китһәләр, хәлдәрен белергә
  • Берәй кем үлһә, ҡайғыһын уртаҡлашырға
  • Бәләкәй хаталарын ғәфү итергә
  • Әгәр улар хата ҡылғандар икән, йомшаҡ итеп аңлатырға
  • Күрше ҡатындарына ҡарамаҫҡа
  • Ярҙам кәрәк саҡтарҙа, булышырға

 

 

Имам Әбү Хәмид әл- Ғазалиҙың «Әҙәптәр» китабынан

2026-03-01 (Рамаҙан, 1447 йыл.) №3.


Иремде юғалттым

Ауыр хәлгә дусар булдым – ҡапыл ғына ҡәҙерле иремде юғалттым. Беҙ 30 йылдан ашыу бергә йәшәнек, бер-беребеҙҙе аңлап, пландар төҙөнөк. Барлыҡ хыялдар бер мәлдә өҙөлдө. Артабан нисек йәшәргә икәнен аңламайым.   Р., Колпино ҡалаһы   Дин белгесе яуабы Был донъяға килгән һәр кеше Аллаһу Тәғәлә...


Пәйғәмбәрҙең ﷺ Таифҡа барыуы

Әбүталип менән Хәҙисәнең үлеменән һуң ﷺ Аллаһ Рәсүленә ﷺ ҡорайыштарҙың ҡыҫымы көсәйә. Шуға күрә Пәйғәмбәр ﷺ Мәккәнән йыраҡ булмаған, әсәһе яғынан туғандары йәшәгән Таиф ҡалаһына барырға ҡарар итә. Ул Таиф халҡынан ҡорайыштарҙан яҡлау һәм ислам таратыуҙа ярҙам һорарға уйлай.   Һәм Пәйғәмбәр ﷺ...


Файҙалы эликсир

Бары тик өс компоненттан торған был эсемлек бик күп ауырыуҙарға ҡаршы көслө ҡорал. Һарымһаҡ, бал һәм алма һеркәһенән торған ҡушымта – дауалау эликсиры. Ул иммунитетты нығыта һәм ҡанды насар холестериндан таҙарта. Күп ауырыуҙар аша һынау үткән. Ике аҙна өҙлөкһөҙ ҡулланғандан һуң, төрлө...


Шайтан яҙмалары

Хәлдәр нисек, таҡыр баш? Мәжит кисә, бөҙрәханаға барып, сәсен ҡырҙырып ҡайтҡан икән. Бөгөн иптәштәре янына сыҡҡас, мин уның ялтас башын күреп ҡалдым. Һа-һа-һа! Үәт, мин илаттым уны! Һа-һа-һа! Ә беләһегеҙме, нисек килеп сыҡты? Хәҙер һөйләйем. Мин уның дуҫына: «Сәйет! Мәжитте таҡыр баш, тип...


ДОҒАЛЫ ЙОРТ

Кейем кейгәндә «Әл-хәмдү лил-ләәһил-ләҙии кәсәәнии һәәҙәҫ-ҫәүбә үә разәҡанииһи мин ғайри хәүлин миннии үә ләә ҡуүүәһ». Мәғәнәһе: «Мин үҙем көс менән ҡеүәткә эйә булмаһам да (йәғни, ошо кейемде үҙем таба алырлыҡ көс менән ҡеүәткә эйә булмаһам да), миңә ошо кейемде кейҙергән һәм...