Алманан повидло

Алманан повидло

Беҙгә кәрәк:

алмалар

шәкәр

һыу

 

Әҙерләү:

  1. Алмаларҙы йыуып, ҡабығынан, орлоҡтарынан таҙартып, 4 өлөшкә киҫегеҙ. Киҫелгән алмаларҙы һалҡын һыуға һалып тороғоҙ. Шулай иткәндә, улар артыҡ тиҙ ҡараймай.
  2. 1 кг таҙартылған алмаға 100 мл һыу өҫтәгеҙ. Ҡайнап сығыу менән 20 минут быҡтырығыҙ. Блендер ярҙамында пюре яһағыҙ.
  3. Шәкәр өҫтәгеҙ. 1 л пюреға яҡынса 600-800 г шәкәр кәрәк буласаҡ. Повидлоны талғын утҡа ҡайнатырға ҡуйығыҙ. Даими рәүештә болғатып тороғоҙ. Массаның өҫтөндә барлыҡҡа килгән күбекте лә алырға онотмағыҙ. Ҡайнап сыҡҡас, 20 минут талғын утта тотоғоҙ. Повидлоның әҙерлеген сынаяҡ аҫтына тамсы тамыҙып тикшерегеҙ: әгәр ҡайнатма таралмаһа, тимәк, ул әҙер.
  4. Ҡайнатманы эҫе килеш стерилләштерелгән банкыларға ҡойоп сығығыҙ. Ҡапҡасын яҡшылап ябып, банкыларҙы һыуынғансы түңкәреп ҡуйығыҙ. Повидлоны һалҡын урында һаҡлағыҙ. Сәйҙәрегеҙ тәмле булһын!

 

Уңған килен Зөбәржәт Утарбаева

2026-05-01 (Зөлҡағиҙә, 1447 йыл.) №5.


Дөрөҫ туҡланыуҙың әһәмиәте

Аллаһу Сөбхәнәһү үә Тәғәлә кешене ашау һәм эсеүгә мохтаж итеп яратҡан.   Көнсығыш медицинаһы, Аллаһ тарафынан яратылғандарҙан − кеше булһынмы, хайуанмы, үҫемлекме – һәммәһенең тәбиғи торошон, сифатын һыуыҡ, йылы, ҡоро, еүеш кеүек дүрт элемент билдәләй, тип раҫлай. Дөрөҫ туҡланмау сәбәпле, ошо...


«Ғаиләбеҙҙә өс быуынды берләштереүсе көн ул – 9 Май!..»

Рубрикабыҙҙың бөгөнгө ҡунағы – бар ғүмерен йәш быуынды уҡытыу-тәрбиәләү эшенә бағышлаған уҡытыусы, филология фәндәре кандидаты, хаҡлы ялға сыҡҡас, Илеш районы Дөмәй ауылы мәсетендә 16 йыл дини ғилем биргән Зәмзәмиә Әхиәр ҡыҙы Ҡазыханова.   – Йылдың иң шатлыҡлы байрамдарының...


Күркәм холоҡ – ярты бәхет

Үткәндәргә һис үпкә юҡ, Үткәндәр сыныҡтырҙы. Сымырылыҡҡа өйрәтте Бер илаҡ ҡына ҡыҙҙы.   Ҡанда булмағас ҡатылыҡ, Яһиллыҡ та бер тамсы, Гел үҙемә эләгеп торҙо Арҡа һыҙырыр ҡамсы... Күркәм холоҡ – ярты бәхет, Йәшәү өндәүем – ошо. Кеше күң(е)лен ҡалдырмағас, Иңемдә –...


Сөләймән пәйғәмбәр

Улына нәсихәттәр биргәндән һуң, Дауыт михрабына китә. Бер ваҡыт уның янында таныш булмаған берәү пәйҙә була. «Кем һиңә бында инергә рөхсәт итте?» − ти Дауыт. Тегеһе: «Батшалар янына инер өсөн миңә рөхсәт кәрәкмәй», − ти ҡәтғи итеп. Яуабы буйынса бының Ғазраил икәнен аңлаған пәйғәмбәр: «Минең хәлде...


Ханум

Ҡамыр өсөн: 100 мл һыу 1 йомортҡа 1 аш ҡалағы көнбағыш майы семтем тоҙ он   Эслек өсөн: 500-600 г фарш 250 г ҡабаҡ 2 һуған 2-3 бәрәңге тоҙ, борос, тәмләткестәр 60 г һары май әҙерәк көнбағыш майы укроп, петрушка   Әҙерләү: Ҡамыр өсөн йомортҡаны, йылы һыуҙы, семтем тоҙҙо,...