Аслияб гьумералде

Хваразе пайдаялъе

Хваразе пайдаялъе

Инсанасул жаназаги хабалъ лъун тIаде ракь хъвайдал ва гIадамалги гьениса руссиндал, ТIадегIанав Аллагьас хварасда рухI лъола ва гьев лъугьуна кинабго сверухъ лъугьунеб жинда бичIчIулевлъун.

Гьеб мехалъ гьесухъе рачIуна хабалъ цIех-рех гьабулел кIиго малаик - Мункар ва Накир. Дур БетIергьан щив, дур дин щиб ва дур авараг щивин суалал кьола гьез. Ракьалда ругел гIадамазул цонигиясда гьеб лъугьа-бахъин бихьуларо ва рагIуларо. Цебе рехсараб хIалалъ цIех-рех Мункар- Накирас гьаби кьучIал хIадисазги тасдикъ гьабун буго. Гьелда иман лъезеги щивав бусурманчиясда тIадаб буго. Гьелда божунгутIиги инсанасул иманалъул мукъсанлъи буго.

Анас бин Маликица бицана аварагас абунин: «Аллагьасул лагъ хабалъ лъедал ва гьесул гьалмагъзаби мугъги кьун нахъе унаго, хварасда гьезул хьитазул сас рагIула. КIиго малаикги вачIун, гьез цIехола: «МухIаммад абурав чиясул хIакъалъулъ щиб дуца абулеб букIараб?» - илан. Жаваб гьабун гьес абула: «Дица нугIлъи гьабула Аллагьасул лагъ ва Гьесул Расул гьев вукIиналъе», - ян. Гьеб мехалъ гьесда абула: «ЖужахIалда дуе букIараб бакIалъухъ валагье… Аллагьас дуе гьеб хисана Алжаналъуб бугеб бакIалъухъ», - илан.

Цинги Бичасул Расулас абуна: «Гьеб кIиябго бакI гьесда бихьизе буго. Капурчияс ва мунапикъас малаикзабазе жаваб гьабула: «Дида лъаларо, гIадамаз абураб такрар гьабулаанха дицаги», - ян. Цинги гьесда абула: «Дуда лъалароан ва мун нахъвилълъинчIо!» - ян. Цинги кIиябго гIиналда бакьулъ кьабула маххул гьецIокъ ва гьесул гьаракь гIадамазда ва женазда хутIун, сверухълъиялда ругезда рагIула.

Гьединлъидал цIакъ беццараб буго нилъер гIагарал, гьудул-гьалмагъазаби ва нилъее рокьулел гIадамал рукъидал киналго гьениса индал, дагьалъ чIун, хварасул мунагьал чуреян дугIа гьабизе ва Аллагьасда гьаризе Мункар-Накирасул суалазе жаваб битIун кьезе тавпикъ кьеян. Гьаб хадуб рехсараб дугIа цIализеги цIакъго беццараб буго:

«Аллагьаумма саббитгьу (гьа) гIалал хIакъкъи ва лакъкъингьу (гьа) хIужжатагьу (гьа) вагъфир лагьу (гьа) вархIамгьу (гьа). Аллагьумма бихIакъкъи МухIаммадин ла тугIаззиб гьазал маййит», абун.

ЖАБИР МАЖИДОВ,

2026-04-15 (Зул къагIида 1447 с.) №8.


Балагь-къварилъи

Бусурбанчиясе, тIаде рачIунел тIабигIиял балагьал, букIа гьеб ракь багъари, гьурал рахъин, гIаммал унтаби, лъим кIанцIи ва цогидалги, гьеб буго бечедав-мискинав абун течIого, щивав чи кумек, хвасарлъи тIалаб гьабун къватIиве вахъунеб заман. Гьеб хIалалъулъ чияда ракIалде щола дунял тIаса ине,...


БацIадаб ниятгун

Муса аварагасул заманалда гIумру гьабун вукIана цо динияв чи. Гьес Аллагьасе гIибадат гьабулаан, рукъалъул тIохда гIемерал какал ралаан. Цо къоялъ гьесухъеги рачIун цояз бицана гъотIое гIадамаз сужда гьабулеб ахил хIакъалъулъ. Гьебги рагIун, гIащтIиги босун, гъветI къотIизе къасдгун къватIиве...


Балагьаздалъун хIалбихьи

ХIурматиял бусурбаби, гьаб гIагараб заманалда нилъер Дагъистаналъул бакI-бакIазде бачIана ракIалдаго букIинчIеб къварилъи. Гьелъие сабабалъунги ккана бараб чваххунцIад. Гьелъул хIасилалда Дагъистаналъул тахшагьар МахIачхъалаялда, Хасавюрт районалъул росабалъ ва цогидал бакIазда лъим рукъзабахъе...


Цоги аманат

Аллагьас ﷻ аманат гьабун кьуразул цояб буго чиясул сахлъи, къаркъала. Диналъги чи ахIула аманат гьабураб цIуниялде. Сахлъи цIуни ккола аманат гьабураб тIубазаби гуребги, чиясул гIумру сах-саламатаблъун букIиналъе сабабги. Аманат абураб жоги ккола нилъехъе кьураб жо кьураб куцалда нахъбуссинаби....


ХIикматал махлукъатал

Морж   ЧIахIиял рухIчIаголъабазул цоял ккола моржал. Гьел руго тIом биццатал ва гьелъ кумек гьабула гьезие квачалдаса цIунизе. Габуралъул тIасияб рахъалъул тIом  букIуна 10 сантиметралъ биццатаб.   Гьезда кIола рекIел кьабиялъул хехлъи-хIинцIлъи жидеего бокьухъе бачине. Лъим...