Ракьалда лъалкIги тун ана

ЛъикIал гIадамал ракIалде щвезаруни, хасго росдае пайдаяб хIалтIи гьабулел сахаватал чагIи, пайда цIикIкIараб букIуна.

Гьединаздасан ккола Хунзахъ районалъул ГIахьалчIи росулъа мунагьал чураяв ХIасанов ХIусен. Гьев цIалана Избербашалъул механизациялъул школалда, щвана шоферасул ва трактористасул махщел. Хъулухъ гьабуна Советияб армиялда. 1958-61-абилел соназ хIалтIана колхозалда. Буйнакскиялъул педучилищеги лъугIизабун хIалтIана росдал школалда учительлъун, гIуцIарухъанлъун. ХIалтIулаго лъугIизабуна ДГУялъул филологияб факультетги.

1979 соналда ХIусен вищана ГIахьалчIи росдал советалъул председательлъун. ГIехьелдерица гьанжеги бицуна ХIусен председательлъун вукIараб заманалъул хIакъалъулъ. Гьесул жигаралдалъун росулъе, микьго километралда рогIралги лъун, бачараб лъим, магIарде цIад тIинкIаниги хIарщул цIолел рукIарал къватIал, чабахх баччун, къачIана, лъар щванщинахъе риххулел рукIарал кьоял кьучIдасан цIигьаруна, кулабазде нухал гьаруна.

1984 соналда ХIусен тIамуна районалъул КБОялъул (Комбинат бытового обслуживания) директорлъун. Жиндехун гьабураб божилъи хвезегIан, жив хвей цебе гьабулеб хасияталъул чи вукIиналъ, сордо-къо батIа гьабичIого хIалтIун, ХIусеница къокъаб заманалда жаниб комбинат лъугьинабуна хайир кьолеблъун, цIикIкIинаруна халкъалъе гьарулел рукIа-рахъиналъул хъулухъал, бана комбинаталъе цIияб мина, чIезабуна гьениб цIияб тIагIел-алат, хIалтIулезул къадар бахана 140 чиясде ва гьеб лъугьана республикаялда бищун церетIуразул цояблъун.

1989-абилеб соналда ХIусен тIамуна ГIахьалчIи росдал школалъул директорлъун. Гьеб хIалтIудаги гьес бихьизабуна жиндирго бажари, школалъе тIадеги бана цоги мина. ХIусенил кIвахI гьечIеб хIалтIуеги тIадегIанал хIасилазеги мустахIикъаб къисмат кьуна пачалихъалъул батIи-батIиял идарабаз Баркалаялъул кагътаздалъунги, ХIурматиял грамотабаздалъунги, батIибатIиял сайгъатаздалъунги. Гьесие щвана «Отличник народного образования Дагестана» абураб хIурматияб цIарги. ХIусенил гIумруялъул аслияб мурад букIана гIадамазе кIвараб кумек гьаби, гIадамал рази гьари.

МУХIАММАД НУРМУХIАММАДОВ, ГIАХЬАЛЧIИ РОСДАЛ ИМАМ

2026-04-15 (Зул къагIида 1447 с.) №8.

Бусурбанчиясе, тIаде рачIунел тIабигIиял балагьал, букIа гьеб ракь багъари, гьурал рахъин, гIаммал унтаби, лъим кIанцIи ва цогидалги, гьеб буго бечедав-мискинав абун течIого, щивав чи кумек, хвасарлъи тIалаб гьабун къватIиве вахъунеб заман. Гьеб хIалалъулъ чияда ракIалде щола дунял тIаса ине,...

ХIурматиял бусурбаби, гьаб гIагараб заманалда нилъер Дагъистаналъул бакI-бакIазде бачIана ракIалдаго букIинчIеб къварилъи. Гьелъие сабабалъунги ккана бараб чваххунцIад. Гьелъул хIасилалда Дагъистаналъул тахшагьар МахIачхъалаялда, Хасавюрт районалъул росабалъ ва цогидал бакIазда лъим рукъзабахъе...

ДРялъул муфтияталда, муфтиясул гIакълучIужу ГIайна ХIамзатова, дандчIвана СВОялда араб бакI лъачIого тIагIарал рагъулал хъулухъчагIазул улбулгун ва лъудбигун. Гьединго, гьеб тадбиралда гIахьаллъи гьабуна Россиялъул БахIарчиясул эбел, МахIачхъала шагьаралъул №54 школалъул директор Сапижат...

Муса аварагасул заманалда гIумру гьабун вукIана цо динияв чи. Гьес Аллагьасе гIибадат гьабулаан, рукъалъул тIохда гIемерал какал ралаан. Цо къоялъ гьесухъеги рачIун цояз бицана гъотIое гIадамаз сужда гьабулеб ахил хIакъалъулъ. Гьебги рагIун, гIащтIиги босун, гъветI къотIизе къасдгун къватIиве...

БетIергьан Аллагьас щивав чи вижула гIицIавлъун. Гьединго гьесулъ букIунаро щибго къуват, кинабгIаги магIишаталъул бетIергьанлъунги вахъун вачIунаро гьев дунялалде. Гьедин дунялалде лъугьарав чиясе Аллагьас кьола рикIкIун хIалкIоларелгIан гIемерал нигIматал. ТIад ретIине ретIелги, чорхое къуватги,...

Ракьалда лъалкIги тун ана