Суал-жаваб

Гирами Калам шлихьна гьапlуб ву?

Гирами Калам Аллагьу Тааьлайи Мугьяммад пайгъамбарихьна гьапlуб ву.

Гирами Калам Пайгъамбарихьна ﷺ гъурубкьур фуж ву?

Аллагьу Тааьлайи назил гъапlу гирами Калам Жабраил малаикдихьанмина Пайгъамбарихьна ﷺ гъафну.

Швнуд йисандин арайиъ гирами Калам назил гъабхьну?

Гирами Калам 23 йисандин муддатнаъ назил гъабхьну.

Мекка шагьриъ айиган Пайгъамбариз фукьан вахтнан арайиъ вагь’ю гъюри гъабхьну?

Пайгъамбарихьнаﷺ Меккайиъ 13 йисандин арайиъ вагь’ю гъюри гъабхьну.

Медина шагьриъ швнуд йисандин арайиъ Пайгъамбарихьна ﷺ сурйир назил шули гъахьну?

Мадинайиъ гирами Каламдин сурйир 10 йисандин арайиъ назил шули гъахьну.

Гирами Калам бикlуб шлин амриинди гъабхьну?

Гирами Калам бикlуз Абу Бакар Сиддикьди табшурмиш гъапlну.

Абу Бакарин табшуругъниинди гирами Калам саб китабдиз уч апlури, швнур асгьяб иштирак гъахьну?

Думу ужувлан ляхниъ 75 асгьяб иштирак гъахьну.

Усман асгьябди гьязур гъапlу гирами Каламдин дафтрарикан гъийин йигъаз швнуб ими?

Гъийин йигъаз Усман асгьябди гьязур гъапlу гирами Каламдин кьюб дафтар ими, дурарикан саб - Ташкентдиъ, тмунубсана - Стамбулиъ.

Меккайиъ швнуб сура назил гъахьну?

Меккайиъ 86 сура назил гъахьну.

Мединайиъ айиган, швнуб сура назил гъахьну?

Мединайиъ айиган, 28 сура назил гъахьну.

Гирами Каламдиъ швнуб жуз а?

Гирами Каламдиъ 30 жуз а.

Гирами Каламдиъ швнуб аят а?

Гирами Каламдиъ 6236 аят а.

Гирами Каламдин фуну сура «Бисмиллагь» дарди ккебгъра?

«ат-Тавба» сура (9 сура) «Бисмиллагь» адарди ккебгъра.

Гирами Каламдиъ фицдар малаикарин ччвурар кlваин дапlна?

Гирами Каламдиъ 5 малаикдин ччвурар кlваин дапlна: Жабраил, Микаил, Гьарут, Марут, Малик.

Варитlан артухъ гирами Каламдиъ фуну пайгъамбарин ччвур кlваин дапlна?

Гирами Каламдиъ варитlан артухъ Муса пайгъамбарин ччвур кIваин дапIна – 136 ражари.

2026-07-01 (Мугьяррам 1448 г.) №7.

Жаназа гъудган мусурмнарин жямяаьтдиин али фарз ву (фарз аль-кифая). Гьаддиз, эгер жямяаьтдин арайиан сар касдикьан жаназа-гъудган алапlиш, имбударилан фарз алдабхъура ва дурариз гунагьра шулдар. Хъа сарикьан думу ляхин дарапlиш, вари жямяаьт гунагьнаъ шулу. Жаназа-гъудган сар касди апlуб...

Ассаламу аьайкум, гьюрматлу ватанагьлийир! Магьа гьижрайиинди 1448-пи йис улубкьна. Мугьяррамдин ваз цlийи йисандин сабпи ваз ву. Му вазлин дахилнаъ гирами Аьшурайин йигъра а. Мусурман касдиз му ваз лап заануб ву. Гьарсар касди чан ккудубшу йисандин натижйир адагъну ккунду, ва думу йисан...

- Жилир убхърур вуйиз. Гьадму себеб вуди дугъхьан жара хьуз ккундузуз. Ипlруб-алабхьруб тувра, амма гьаци вушра, дугъу арагъ убхърувалиан сарун дугъахъди яшамиш хьуз ккундарзуз. Узуз тlалакьдин гафар тувну йиз хулаз гьаъ гъапиган, гъярхьивалар шулайич. Гьамдин гьякьнаан узу имамдихьна душну...

Табасаран райондин варитlан ачухъди ккабалгнайи гъуларикан саб Ничlрас гъул ву. Му гъул жямяаьтдин арайиъ аьхюдарихьна гьюрмат ади, бицlидарихьна рягьимлувал ади янашмиш шулайиб ву. Рягьматлу Хайирбег халу му гъулаъ имамди вуйи вахтна дарсариз гизаф бицlидар гъюри шуйи. Гъул-жямяаьтдин...

Ассаламу аьлайкум, аьзиз халкь. Аьхиримжи йисари гирами жилариина гьяждиз гъягъру табасаран дестйирра духьна. Душваз анжагъ ихь табасаранлуйир дахил шула ва саб хизанси чпин фарз тамам дапну гъюри шулу. Магьа гьаму йисанра, му дестейиъ 48 кас ади, табасаранлуйир гирами жилариина гъушну. Майдин...

Суал-жаваб