Зурба васият

Зурба васият

Зурба васият

 

«Аль-Бахджа» китабдиъ имам Багьаудин Мугьяммад ан-Нукьшубандийи чан мюриддиз гъиту кьюб васият тувна. Фикирлуйиризна аькьюллудариз багьа вуйи гьаму кьюбиб васиятарра кIваина хурхьа.

 

Сабпиб: «Суфйирин рякъюъ айи гьякь мюрид фициб дережайихъна гъафишра, дугъаз чав, сабпи лик алдабгъуз хъюгъну айирситIан, дяркъну ккундар».

Кьюбпиб: «Эгер бегьемди гъудубкьу (сулук) рякъюъди мюрид варитIан заану умбриз удучIвураш, дугъу чав ФараонтIан, варж ражари аскканди улупну ккунду».

Фагьумлу инсанди, чан нефс сикинвалин заану умбриз (итми`нан) удубчIвнашра, чав хли дидисну гъитну ккунду. Гьамциб дюшюшнаъра дугъхьан чав чIуру кьастарихьанна футнийирихьан уьрхюз шулдар. Хъа ухьу, аьдати инсанар, ялгъуз хайрихъ хъайидар, ва яшаишдин заан гьялтIан даккнидар, ихь нефсариккан фици ккадархьуру!? Сар Аллагь ву кюмекнан Сагьиб

Гьякьниинди, нефснан чIуру кьастариккан  ухьхьан ухьланди ккудучIвузра даршул, эгер Аллагьди  ﷻ ухьуз Чан хайирлувалин хъайивал дарапIиш. Инсан, гьякьсузвалихъна ва хъпебехъувалихъна хурайидарра эдебсуз аьмалар вуйибдин гъаври ади ккунду. Гьаддиз тIарикьат, дармнитIан сагъ апIуз даршлу, бегьемсузвалариан кубчIвнайи уьзрин иццрушин ву. Рюгьнан чиркинвал - ули адру камивалар, хъа  тIарикьат – марцци шид ву. Чиркишинра, икибаштIан, марцци штутIан марццра дарапIур. Аллагьу Тааьла  вари Аьгъюр, Машгьур вуйир ва вари Удукьрур ву. Аллагьдилан ﷻ гъайри, хайирлувалар апIру ва  бегьемсузвалар ккагъру жара кьувватарра адар.

 

Муслим Аьбдулаев

2026-05-01 (Зуль Къаида 1447 г.) №5.


Гирами гъурбан машквар багахь шула

Мусурмнарин варитIан асас машквар улубкьура! Гьямд ибшри Аллагьу Тааьлайиз магьа аьгъзрариинди ихь гьюкуматдиан мусурмнари му гирами машквар Мекка ва Медина шагьрариъ адапIура.   Мусурман касдин кIваъ айи заан ниятарикан ва метлебарикан гьисаб шула. Улихь нумрайиъ гьяждихъди аьлакьалу...


Дишагьлийиин заанваликан 10 гьядис

Ислам диндиъ дишагьли заанди дерккна. Мусурман дишагьли, жвуван велед риш, уьмрин юлдаш хпир, дада, чи кIуру ччвурариинди дишагьли лазим вуйи кьадар заан дережайиинди дерккна.   Мисалназ, риш чан адаш женнетдиъ учIвбаз себеб шлу ляхнарикан ву; хпир себеб вуди, дугъан жилирин имандин гьацI...


Кечмиш шлуган, имандихъ мягьрум апIру ляхнар

Инсан гьаму дюн’яйиллан гъягъювал лап читин ляхнарикан ву. Хъа варитIанна читин ляхин вуйиб, эгер инсан ислам диндиъ адарди кечмиш гъахьиш, гьадму ву.   Хъа фу себеб дубхьну инсан му жилилан мусурман дарди гъягъюз мумкин вуш, магьа исихъ улупурухьа: 1) гьярам вуйи бид`аь ляхнарихъди...


Дишагьлийи шалвар алабхьбакан

Суал: Дишагьлийириз хулаъ айи вахтна жилиринубсиб шалвар алабхьуз ихтияр айин?   Жаваб: Дишагьлийи Шариаьтдиинди жара чаз мягьрам дару жилар хьайи йишвахь чан жандак ккебкну ккунду. Эгер ухьу дишагьлийири, шубари гьяятдиъ заълан туника, юбка алдарди шалвар алабхьбакан кIури гъахьиш, дици хай...


Гьяждин вахт улубкьна

Гьяж апIувал ибадатарикан варитIан кьиматлуб ву, гьаз гъапиш думу жандкиинди ва дакьатариинди апIурайиб ву.   Пайгъамбари ﷺ дупна:   "مَنْ حَجَّ فَلَم يَرْفُثْ, وَلَمْ يَفْسُقْ رَجَعَ كَيَوْمِ وَلَدَتْهُ أُمُّهُ" Мяна: «Фуну касдира гьяж гъапIиш, эгер думу вахтна дишагьлийихъди сатIи...