Хив гъулаъ дишагьлийириз серенжем

Хив гъулаъ дишагьлийириз серенжем

Хив гъулаъ дишагьлийириз серенжем

20-пи январиъ Хив райондин Хив гъулаъ дишагьлийирин аьхю мажлис кlули гъубшну. Му мажлиснан метлеб диндин аьгъювалар за апlуб, жвуваз аьгъдруб дубгъуб вуйи.

 

Уч духьнайидарин улихь Хив райондин имам Шябан Салихов удучIвну гъулхну.

«Гьюрматлу чйир, ихь гьарсарин улихь дугъубжвнайи месэла саб ву - Аллагьу Тааьлайин разивал гъазанмиш апIуб. Гьаму гъахурайи серенжемарра ухьу анжагъ сар Аллагьдин ﷻ разивал бадали гъахурайидар вуйихь. Учвузра му мажлиснаъ иштирак хьпан аьхю чухсагъул. Ухьуз мушваъ гъеебхьу гьарсаб гафнахъ хъпехъури, дидкан мянфяаьт ктабгъури гъахьиш, ужи шул», - гъапну Шябан Салиховди.

Уч духьнайидарин улихь гьацира Кьибла Дагъустандин дишагьлийирин дяъват отделин гъуллугъчйир иштирак гъахьну.

Мажлис кlулиъ гъабхурайир Хив райондин дишагьлийирин дяъват отделин регьбер Фатима Везирова вуйи.

Дурарикан гьарсари чан улхбаъ мусурман дишагьли фицир духьну ккундуш гьаддикан, чиб-чпихъди духьну ккуни аьлакьйирикан ва гьацира гьар заманайиъ учlруди дугъубжвну шлу ляхникан, яни футнайикан яркьуди ктибтну.

Мицдар серенжемар Хив райондиъ кми-кмиди гъахура, мурарикан халкьдиз аьхю мянфяаьт а.

Райондин имамдиз, дишагьлийирин дяъват отделин регьбрариз ва гьацира имбу кюмекчйириз аьхю чухсагъул къайд апlурахьа.

2026-07-01 (Мугьяррам 1448 г.) №7.


Жаназа гъудган шли дапlну ккуниб ву?

Жаназа гъудган мусурмнарин жямяаьтдиин али фарз ву (фарз аль-кифая). Гьаддиз, эгер жямяаьтдин арайиан сар касдикьан жаназа-гъудган алапlиш, имбударилан фарз алдабхъура ва дурариз гунагьра шулдар. Хъа сарикьан думу ляхин дарапlиш, вари жямяаьт гунагьнаъ шулу.   Жаназа-гъудган сар касди апlуб...


Суал-жаваб

- Жилир убхърур вуйиз. Гьадму себеб вуди дугъхьан жара хьуз ккундузуз. Ипlруб-алабхьруб тувра, амма гьаци вушра, дугъу арагъ убхърувалиан сарун дугъахъди яшамиш хьуз ккундарзуз. Узуз тlалакьдин гафар тувну йиз хулаз гьаъ гъапиган, гъярхьивалар шулайич. Гьамдин гьякьнаан узу имамдихьна душну...


Ничlрас гъулаъ цlийи имам

Табасаран райондин варитlан ачухъди ккабалгнайи гъуларикан саб Ничlрас гъул ву. Му гъул жямяаьтдин арайиъ аьхюдарихьна гьюрмат ади, бицlидарихьна рягьимлувал ади янашмиш шулайиб ву.   Рягьматлу Хайирбег халу му гъулаъ имамди вуйи вахтна дарсариз гизаф бицlидар гъюри шуйи. Гъул-жямяаьтдин...


Табасаран жямяаьт гьяждиъ

Ассаламу аьлайкум, аьзиз халкь. Аьхиримжи йисари гирами жилариина гьяждиз гъягъру табасаран дестйирра духьна. Душваз анжагъ ихь табасаранлуйир дахил шула ва саб хизанси чпин фарз тамам дапну гъюри шулу.   Магьа гьаму йисанра, му дестейиъ 48 кас ади, табасаранлуйир гирами жилариина гъушну. Майдин...


Хизан, хизан…

Ихь аьхю абйириланмина ухьухьна хизан бадали дурубкьнайиб саб ву: эгер увуз хизан уьбхюз ккундуш, читинвалар алахьруган, ккюгъну ккунду ва дурар гьял апlуз чарйир агури ккунду. Гьяйифки, му гафарин вари гъаври адар. Жилири му гафар анжагъ хпиризтlан кайидар дар кlура, хъа хпирисана му гафар жилириз...