Главная

Ставропольский крайда авай лезгияр

Ставропольский крайда авай лезгияр

И мукьвара чун Ставропольский крайдиз мугьман хьана. Чи ният ина авай лезгийрал кьил чIугун тир. И уьлкведа 10 агъзурдав агакьна чи халкьдин векилар яшамиш жезва.

 

Гьакьван гзаф аватIани, абур гьар сад вич-вичиз яшамиш жезва, иллаки шегьерра. Амма ина кьилди лезгийрин са хуьрни ава – Верхняя Дубовка. ТIвар урусди ятIани, и хуьре авай 50 кIвалени яшамиш жезвайбур Ахцегь райондин Гутум хуьряй иниз хъсан яшайишдин суракьда аваз куьч хьанвай лезгияр я.

Верхняя Дубовка хуьр

Хуьруьн агъсакъал Садеддин халуди лагьайвал, хуьруьн жемят чпин арада лезги чIалал рахазва, абуру бубайрин адетар ва Ислам дин хуьзва, лезги чIалал акъатзавай «Ас-Салам» газетни кхьизва. Садеддин халуди гьа вич хьтин диндихъ ва халкьдихъ рикI кузвай стхайрихъ галаз санал Верхняя Дубовка хуьре Ислам дин ва дидед чIал хуьн патал еке зегьмет чIугвазва.

Къуй Аллагьди ﷻ генани хъсанаррай чи халкьдин векилрин гьалар, абур дуьньядин гьи пипIе аваз хьайитIани!

Гьасан Амаханов

2026-03-01 (Рамадан 1447 г.) №3.


Аялдиз тIуьн ва тербия гун

Али бин Абу ТIалиба лугьудай: «Аялдиз дидедин некIедилай берекатлу ва менфятлу нек авач». Нек гьасил хьун ва акъатун патал хилбадин жевгьерди ва я гьалимади хъсан таъсир ийизва, амма мукьвал-мукьвал хилба ишлемишуни некIедин дад дегишарун ва аялдин къен ракъурун мумкин я.   Йикъа...


ФитIр закатдин важиблувал

Закату-ль-ФитIр – сагь гьар са мусурманди, Рамазан вацра сивер хуьн-техуьнилай аслу тушиз гузвай ферз тир садакьа я. Умаран хва Абдуллагьа Пайгъамбардин ﷺ гьадис ахъайна: «Мусурманрин арадай итим ва дишегьли, азадди ва лукI талагьна, Рамазан вацра закату-ль-ФитIр гун гьар са инсандиз...


Хъсанди писдал дегишармир!

Инсан гьамиша хкягъун мажбур жезва ва амни гьамиша хъсандан ва писдан, гьалалдин ва гьарамдин арада туш. Гзаф вахтара чна лап агъада авайдан ва лап вини дережада авайдан арада хкязава: регьят ва вердиш тирдан ва адалай чIехи мана авайдан.   Къуръанда Аллагьди ﷻ кьетIен регьим багъишнавай...


Устаздиз гьуьрмет авунин эдебар

Эвел алатай нумрада   Устазди ганвай, Аллагьдиз ﷻ зикир авунин, тапшуругъар вахтунда, эдебдин къайдаяр кьиле тухуз, тамамариз алахъ. Са гьихьтин ятIани себеб аваз ахъа хьайи вирд эвез хъийиз алахъ. Метлеблу ва устаздиз хийир авай крар хабар кьун тавуна авуртIани жеда, амма ада...


Абу Бакр ас-Сиддикьакай кьисаяр

Абу Бакран хтул   Асма бинт Абу Бакра ахъайзава хьи, гьеле Меккада амаз ам руфунал залан хьана. Аял хадай вахт жедайла, чна гъуьлуьхъ галаз Мединадиз куьч хьун кьетIна. Рекье чун Къуба лугьудай чкада акъвазна.   Ана за чи хва Абдуллагь хана. За ам Аллагьдин Расулдин ﷺ патав тухвана ва...