Главная

Лезги халкьдин мавлид

Лезги халкьдин мавлид

И мукьвара, Рабиуль-Авваль вацра Махачкъалада эцигзавай Мугьаммад Пайгъамбардин ﷺ тIварцIихъ галай мискIинда лезги халкьдин зурба мавлид-межлис кьиле фена. И мярекатда иштирак авун патал чи халкьдин векилар Дагъустандин шегьеррай ва яргъал тир хуьрерай атанвай.

Межлисдал Кьиблепатан Дагъустанда РД-дин Муфтиятдин векил Гьусейн Гьажиев, РД-дин муфтиятдин векил Шамил Алиханов, «Ватан» радиодин «къизилдин сес» Сулейман Тагъибегов, Сулейман-Стальский районда РД-дин Муфтиятдин диндиз эвер гунин хилен регьбер Шамил Рагьманов, РД-дин туризмдин ва халкьдин художественный сенятрин министерстводин регьбер Эмин Мерданов, РД-дин милли сиясатдин ва динрин крарин рекьяй министрдин заместитель Мурад Шафиев ва масабур рахана.

Сегьнедал экъечIайбуру Пайгъамбардин ﷺ уьмуьрдикай, хъсан къилихрин фазилатлувиликай, лезги халкьдин тарихдикай ва адан баркаллу векилрикай насигьатар авуна. КIватI хьайибурун арада умрадиз (Меккадиз) фидай са путевкани къугъвана.

Эхирдайни иштиракчийри вирида санал «бисмиллягь авуна», яни садакьадин тIуьнрикай дадмишна ва вири мусурманриз хийирдин дуьаяр авуна.

Къуй Аллагьди кьабулрай и мавлид!

P.S.

Лугьун лазим я, и мукьвара чи лезги хва Керимов Сулеймана гьа и мярекат кьиле фейи мискIин эцигна акьалтIарун вичин хивез къачуна ва и кар патал гьелелиг 1,5 миллиард манат пулни чара авуна. Къуй Аллагьди и зурба садакьа кьабулрай! Къуй Аллагьди 700 сеферда ва адалайни артух адаз гун хъувурай!

2026-07-01 (Мугьаррам 1448 г.) №7.


Сура «аль-Анфаль»

Эвел алатай нумрада   Муьтlуьгъ хьухь Аллагьдиз ﷻ ва Адан Расулдиз ﷺ (вири кlвалахра), ва гьуьжетар ийимир (Бадр женгинин вилик куьне гьуьжетар авур тегьерда), акl авуртlа куьн михьиз руьгьдай аватда ва къуватдикай магьрум жеда. Сабур ая! Гьакъикъатда, Аллагь ﷻ сабур ийизвайбурухъ гала (абуруз...


Аялриз Исламдин тербия гунин эдебар

Эгер аялрик хъсан эдебдин къайдаяр кутунвачтIа, диде-бубайриз уьмуьрда шад йикъар аквадач. И уьмуьрда инсандин бахтлувал ва бахтсузвал хъсан къилихдин несил тербияламишиз алакьунилай аслу я.   Виридаз тежрибадай малум я хьи, диде-бубдин кIвале гьихьтин секинвал жезватIа, эгер аялар тербия...


Абу Бакр ас-Сиддикьакай кьисаяр

Абу Бакран тIвар кьурла Умар шехьзава   Садра Умар алай чкадал инсанар Абу Бакракай рахаз хьана. Умара лагьана: «Заз зи вири крар Абу Бакран уьмуьрдай са йикъахъни са йифехъ дегишарнайтIа кIандай. Йифиз талукь яз лагьайтIа – им Пайгъамбардихъ ﷺ галаз чуьнуьх хьун патал Савр...


Ички зиян я

Чехир, ички. Дегь девиррани и шейэр гьазуриз ва ишлемишиз чизвай. Эгер тарихдиз вил вегьейтIа, жуьреба-жуьре набатат-рикай, емишрикай пиводиз ухшар шей чи эрадал къведалди са шумуд агъзур йис вилик Египетда, Месопотамияда, Китайда, Мексикада гьазурзавай.   Чи эрадал къведалди ирид агъзур йис...


Дуьнья кlан хьунин мусибат

Инсанар ва чинерар, Къуръанда лугьузвайвал, Аллагьди ﷻ анжах Вичиз ибадат авун патал халкьнава. Анжах абур и дуьньяди алдатмишарзава. Малум тирвал, дуьнья кlан хьайи касдиз эхират такlан жезва, ада гьалал-гьарам лугьун тавуна дуьньядин девлет къазанмишзава ва Халикьдивай ﷻ яргъа...