Главная

Мазгьабар Исламда

Мазгьабар Исламда

Мазгьабар инкар ийизвай инсанри мазгьабрин имамар гьа чун хьтин инсанар тир лугьузва. Идан гьакъиндай шариатди вуч лугьузва?

Эгер абуруз чпин гафаралди имамризни чаз хьиз вилер, гъилер, кIвачер ва бедендин маса паяр авайди тестикьарзаватIа, абур гьахъ я. Амма эгер абуру чпизни кьуд имамдиз хьиз Аллагьдихъай кичIезва, чпизни абуруз хьтин дерин акьул ва маса агалкьунар ава, чпивайни абурувай хьиз Къуръандайни гьадисрай къарар кьабулиз жезва лугьузватIа, абурун ахмакьвилиз кьадар авач, вучиз лагьайтIа акьуллу инсанри ихьтин гафар лугьудач.

Аллагьдин Расулди лугьудай: «Вич хьтиндалай агъзур дережадин виниз хкаж жез анжах инсандилай алакьда».

И гьакъикъи гьадис ТIабараниди агакьарна. И гьадисдай чун гъавурда акьазвайвал, чи арада агъзуринсандик квайинсанарни ава. Мад Расулюллагьди лагьана: «Эгер терездин са патал дуьньяда авай кьван вири инсанрин иман ва маса патал Абу Бакр асгьабдин иман эцигайтIа, Абу Бакр асгьабдин иман залан жеда».

И гьадис имам Агьмада вичин «Муснад» лугьудай ктабда кхьенва. Гила и ягъалмиш хьанвай инсанри Абу Бакракай вуч лугьуда? Амни чеб хьтин инсан я лугьуда жал? Вагьабитар пара такабурлу инсанар я, абуруз чеб виридалайни хъсан инсанрай гьисабзава, гьа и карди абуруз акьул кIевна. РикIел хкин, иблисдини вич ибуру чеб тухузвай къайдада тухванай, нетижада ам ягъалмиш хьана.

2026-07-01 (Мугьаррам 1448 г.) №7.


Женнетдин няметар

1. Аль-Мугъира бин Шу`бади агакьарайвал, Аллагьдин Расулди ﷺ лагьана: «Са сеферда Мусади вичин Раббидивай ﷻ хабар кьуна: «Женнетда авай инсанрикай виридалайни агъада авай гьал низ жеда?»   Ада жаваб гана: «Ам Женнетдин вири агьалияр Женнетдиз фейидалай кьулухъ атай...


Савда бинт Зам’ат

Меккадиз Ислам атай чIавалай башламишна къурайшитри чпин ватанэгьлийриз абуру Ислам кьабулна лугьуз жазаяр гуз хьана. Мусурманрин гьал лап четин хьайила, Пайгъамбарди ﷺ динэгьлияр къутармишун патал абуруз Эфиопиядиз куьч хьун эмирна, а чIавуз адан кьиле гьахълу пачагь авай. Ада мусурманар...


Сура «аль-Анфаль»

Эвел алатай нумрада   Муьтlуьгъ хьухь Аллагьдиз ﷻ ва Адан Расулдиз ﷺ (вири кlвалахра), ва гьуьжетар ийимир (Бадр женгинин вилик куьне гьуьжетар авур тегьерда), акl авуртlа куьн михьиз руьгьдай аватда ва къуватдикай магьрум жеда. Сабур ая! Гьакъикъатда, Аллагь ﷻ сабур ийизвайбурухъ гала (абуруз...


Гунагьрилай гъил къачун тlалабун

Аллагь Таалади лагьана: «…ва жуван гунагьдилай гъил къачун тIалаб ва иман гъанвай итимрин ва дишегьлийрин гунагьрилай гъил къачун тIалаб» («Мугьаммад» сура, 19-аят).   Аллагьди ﷻ гьакIни лагьана: «Аллагьдивай гъил къачун тIалаб, гьакъикъатда, Аллагь...


Желил халудин тlварун стха

1947-йисуз зун цlукьуд йиса авай гада тир. Чи ери-бине Мегьарамдхуьре аватlани, зи дах Атаханов Абдуселим «Серго» колхоздин председатель яз, Цlелегуьндал Зиядин лугьудай касдин кlвале ацукьнавай. Мектебдай ахъаяйла, гатун ва хъуьтlуьн каникулрин вахтунда, зун Цlелегуьндал фидай ва...