Зуль-хIижжа 1444 ш.

Зуль-хIижжа 1444 ш.

Дагъусттаннал Муфтий щейх АхIмад-афандинал барча баву

 

Ас-саламу аьлайкум ва рахIматуллагьи ва баракатугь, ххирасса уссурвал ва ссурвал, Заннал зуй рахIму баннав, цIими бишиннав!

 

Барча дуллай ура гьарцамагу бусурманчунал оьрмулуву яла агьаммурну хъанахъисса байран Эд аль-АдхIа – Кьурбандалул кьини!

Бюхттулсса Кьурбандалул байрандалийнур щаллу шайсса мубараксса Маккалул аьрщарайсса ХIаж баву. Ва кьинилул жухьхьунна сант дуллалиссар хIайван биххаврийну цал уттигу Заннайн жула мютIишиву ккаккан дуван, эбадатраву бажар буван, жунма нясив бувсса аьдад-ккал дуван къашайсса неъматирттайн куртIсса щукру загьир буван.

Кьуръандалуву бур укунсса махъру (мяъна): «Зу къабиянтIиссару салихIшиврул даражалийн, зула хъуслива зунна ххирамур Заннал ххуллий харж къадулларча. Зу циксса харж дулларчагу, Заннан му кIулссар» («Алу Имран» суралул 92-мур аят).

Дазу-зума дакъасса щукру буллай ура Аллагьнайн ﷻ, гьашинугу тамансса бусурманнаща фаризасса ХIаж буван, барачатсса Макка-Мадиналив биян, цайвасса фариза биттур буван бюхъаврихлу. Гьарцаманал бивхсса кьурбанну, бувсса хъинбаларду, хIажитурал дурсса эбадатру Аллагьнал ﷻ кьамул даннав! Амин.

Вай гьантрай миски-гъаривнан, ятинтуран, мушакъатминнан ка-кумаг баву аьдатравун багьну бур. Гьарца хъинбалалул ххуллийсса дайдихьулух чири Аллагьу Тааьланал чичиннав, жяматран, инсантуран хъиннува гьарзасса мюнпатру буллансса, куннал чIарав ку бацIлансса каши-кьудрат дулуннав! Бала-апатIирттая, мусиватирттая, питнардая, цIуцIавурттая жува буруччиннав!

2026-07-01 (МухIаррам 1448 ш.) №7.


Арулва махъ

Хъунасса аьлимчу, дурккучу Абу-Лайслул увкуссар: «Цума инсаннал лавхьхьурив арулва махъ, му инсан икIантIиссар Аллагьналгу ﷻ малаиктуралгу хьхьичI даража лавайну, ва Аллагьнал ﷻ мунал бунагьру багъишла битантIиссар, гай бунагьру хьхьиривусса хьаманияр чIявусса бухьурчагума.   Вай...


Къулагъас дувантIиссар тарбиялух

Жунма кIулсса куццуй, ЦIуминалийсса ЦIуссалакрал шяраву буллай бур хъунмасса РувхIанийсса центр ва мадраса. Ванин дирзун дур машгьурсса щейх Сайфуллагь-Кьади Башларовлул цIа. ХIакьину ва даврий каялувшиву дуллай ур ЦIуссалакрал райондалул имам Аьбдуллагь МухIаммадов. Ванал жухь бувсунни мадраса...


Эбадат ва мяърипат

ХIакьсса бусурманчунал загьир дувайссар цала диндалун лайкьсса инсаншиву. Диндалул, имандалул хIасул дуллалиссар жула тIуллу дарцIусса ттарцIруну хъанахъисса хасиятгу. Эбадатрайну цIакь хьусса хасиятрал хIасул дувайссар инсаннал оьрмулул тагьар, мукунсса инсан мяърипат, инсап, адав дусса...


Лак Муфтийнащал хьунабавкьунни

Дагъусттаннал Муфтий щейх АхIмад -хIажи Аьбдуллаев хьунаавкьунни Лакрал райондал вакилтуращал ва имамтуращал. Лакрал райондалул администрациялул бакIчи Зураб Куччаевлун тIайлабацIу чIа тIий, Муфтийнал кIицI лавгунни чIярусса шиннардий райондалул бакIчину зий ивкIсса Юсуп МахIаммадовлул район...


Шанна бигьасса эбадат

МухIаммад Идавсил ﷺ хIадисирттаву увкуну бур:   «Циняв бусурманнал бунагьру багъишла битаннав тIий дуаь дурманан буссар гьарца бусурманчунахсса чири»   «Кьуръандалувасса ца хIарп дурккуманан хъинбала чичинтIиссар. Гьарца хъинбалалул чиригу ацIлийнуссар. «Алиф,...