ДугIя – гIибадат саби
Давуд Идбагла балга
«Аллагьумма, инни асъалюка хIуббака ва хIубба ман юхIиббука, валь гIамала ллязи юбаллигъуни хIуббака. Аллагьумма -джгIаль хIуббака ахIабба иляййа мин нафси ва агьли ва миналь маиль баради».
МягIна: «Я Аллагь ﷻ, тиладибирулра ХIези дила ХIечи ва ХIу дигутачи диги акIахъес ва дила ХIела дигиличи леркути баркьудлуми диахъес.
Я Аллагьﷻ, дила ХIечи диги цIакьтили диахъа, набчи ва дила хъалибарличи дигиличиб, дяргIибти шинничи дигиличиб (буцIарси бархIи).
Забли урзухIели
Заб дирухIели дурадуркIути суннатуни лерти сари:
- ЧевяхIсилизи тиладибирес забли баракатлати диахъес: «Я Аллагь ﷻ, ишди забли гIяхIдеш ва баракат бихаб» яра «Я Аллагь ﷻ, нушачи гIяхIдешла ва баракатла заб дархьа».
- Забличи разидирес.
- Балга-дугIя дирес.
- Аллагьлизи ﷻ тиладибирес заблизибад мяхIкамдеш барахъес.
ЦIакьти чяхI-забла манзил Идбагли ﷺ бурусири: «Я Аллагь ﷻ, заб нушачи ахIи нуша-алав дараб».
- Къукъу-рямкьла манзил дехIибала дирес.
- ЧевяхIсилизи шукру бирес.
Заб тамандиубхIели, бурес чебиркур: «Забли нушачи Аллагьла ﷻ уркIецIи ва баракат хиб» яра «Нушачи Аллагьла ﷻ сахаватдешличил ва уркIецIиличил заб дариб».
МухIяммад Идбагли ﷺ гьаман бируси балга
«Я мукьаллибаль кьулюби, саббит кьальби г1яля диника».
МягIна: «Ва уркIби ва илдала даража барсбируси, чIумабара дила уркIи ХIела диннизиб».
Аллагьла Расулли ﷺ гьаман бурусири иш балга:
«Аллагьумма ляка аслямту ва бика аманту ва гIялайка таваккальту ва иляйка анабту ва бика хасамту. Аллагьумма инни агIузу бигIиззатика ляилягьа илля анта ан тузиллани, анталь хIаййу ллязи ля ямуту валь джинну валь инсу ямутуна».
МягIна: «Я Аллагь ﷻ, ХIу багьандан саби нуни ислам кьабулбарибси, ХIечи вирхулра, ХIечи хъарахъира, ва ХIези чевверхахъес тиладибирулра, ХIела гIяхIдешличил нуни къаршидеш дирулра (душмантачи). Я Аллагь ﷻ, ХIу ахIенси сужда барес лайикьси цархIил агара, ХIела чебяхIдешличибли нуни чеввалкIнилизибад берцуди тиладибирулра. ХIу – даим мицIирсири, сегъуналра анцIбукьлизив хIебкIусири, жиндри ва адамти – лерилра дубкIути сари».
ХIядис баахъиб аль – Бухари ва Муслим имамтани.
