Фән намаҙ тураһында
Кешенең физик һәм психик сәләмәтлегенә намаҙҙың ыңғай тәьҫир иткәнен бөгөнгө фән иҫбат иткән.
Һаулыҡ өсөн файҙалы аспекттарҙың бер нисәһе:
- Намаҙ уҡыусы сәләмәт тормош алып бара. Көндөң билдәле бер мәлендә уҡылған намаҙ эсендәге рөҡөндәр (поза) йөрәктең арыуын баҫа, кеше һүлпән булмай. Намаҙ ваҡыттары кеше организмында ҡан йөрөшөнөң яңырыу һәм тын алышының йәнләнеү ваҡыты менән тап килә.
- Көнөнә һикһән тапҡыр сәждәгә киткәндә, мейе ритмик рәүештә күп итеп ҡан менән тәьмин ителә. Шул сәбәпле намаҙ уҡыусылар араһында хәтере насар кешеләр аҙ.
- Намаҙҙағы хәрәкәттәр ҡан әйләнешен әүҙемләштерә. Был үҙ сиратында күҙҙәге ҡан баҫымын тигеҙләй, дымлылыҡты һаҡлай, катаракта кеүек күҙ ауырыуҙарына кәртә була.
- Намаҙҙағы изометрик хәрәкәттәр аш һеңдереү, үт бүленеү, ашҡаҙан аҫты биҙенең дөрөҫ эшләү, эс ҡатыуҙы иҫкәртеү, бөйөрҙә һәм бәүел ҡыуығында һәм юлдарында таш булдырмау кеүек процестарға бары тик ыңғай йоғонто яһай.
- Биш ваҡыт намаҙҙағы ритмик хәрәкәттәр артрозды, быуындарға тоҙ ултырыуҙы иҫкәртә, ҡан тамырҙарының һығылмалылығын һаҡлай.
- Тәнең сәләмәт булһын тиһәң, ул, һис шикһеҙ, таҙа булырға тейеш. Тәһәрәт, ғөсөл ҡойоноу – тән таҙалығы һәм рухи таҙалыҡ, уларҙан башҡа намаҙ үтәү мөмкин дә түгел.
- Намаҙ – йоҡоно көйләүҙә мөһим фактор.
Көндәлек биш ваҡыт намаҙҙа ун ете рәҡәғәт, һәр рәҡәғәттә ете рөҡөн. Йәмғеһе: көнөнә – 119, айына – 3570, йылына – 42840, ҡырҡ йылға (уртаса кеше ғүмере) – 1713600 рөҡөн тура килә.
Намаҙҙағы хәрәкәттәр эмфизема, йөрәк, ҡан тамырҙары, артрит, бөйөр, бәүел ҡыуығы, умыртҡа бағанаһы сирҙәренән, ишиастан, хәтер юғалтыуҙан һаҡлай һәм бик күп сирҙәрҙе иҫкәртә. Ә намаҙ уҡыу өсөн беҙҙән махсус ҡорамалдар ҙа, матди сығымдар ҙа талап ителмәй.
(Интернет селтәрҙәренән)
