Күңелгә ятмаған нәмәгә тарығанда йәки сараһыҙ хәлгә тап булғанда
Күңелгә ятмаған нәмәгә тарығанда йәки сараһыҙ хәлгә тап булғанда
«Ҡадәрул-лааһү үә мәә шәә ә фәғәл»
Мәғәнәһе: «Был – Аллаһтың тәҡдиргә яҙғаны, һәм Ул теләгәнен эшләй».
Аллаһ Илсеһе ﷺ былай тигән: «Көслө мосолман Аллаһу Тәғәлә ҡаршыһында хәлһеҙ мосолмандан яҡшыраҡ − уларҙың һәр береһендә яҡшылыҡ булһа ла. Үҙеңә файҙаһы тейә торған нәмәгә ынтыл. Аллаһу Тәғәләнән ярҙам һора ла бирешмә. Әгәр һин берәй нәмәгә осрай ҡалһаң: «Әгәр ҙә мин был эште былай эшләгән булһам, шулай булыр ине», – тип әйтеүселәрҙән булма. Киреһенсә, «Был – Аллаһтың тәҡдиргә яҙғаны, һәм Ул теләгәнен эшләй», – тип әйт, сөнки был «әгәр ҙә» тигән һүҙ шайтандың эштәренә юл асыуға сәбәпсе». (Мөслим)
