Талҡандан тәмлекәстәр

Милли ризығыбыҙ талҡандан тәмлекәстәр әҙерләйек әле. Ябай ҙа, тәмле лә, файҙалы ла ризыҡ килеп сығасаҡ.

Талҡанды традицион рәүештә талҡан онона ҡаймаҡ (йә май), әҙерәк шәкәр, ҡайнар һыу ҡойоп эшләйҙәр. Мин иһә талҡан әҙерләүҙең заманса вариантын килтерәм.

Беҙгә кәрәк буласаҡ:

ваҡ талҡан (350-400 гр)
бүлмә температураһындағы ярты ҡап йомшаҡ май (100-120 г)
1 банка ҡуйыртылған һөт
грек сәтләүеге (теләк буйынса)
ярты стакан ҡайнар һыу (100 мл)

Талҡанға йомшаҡ майҙы, ҡуйыртылған һөттө, ҡайнар һыуҙы ҡушып болғатырға. Теләк буйынса ваҡланған грек сәтләүеген, йә иһә башҡа төр сәтләүектәрҙе ҡушырға була. Ҡамырға оҡшаған масса килеп сығасаҡ. Аҙаҡ унан бәләкәй йомроҡастар эшләргә. Әҙер йомроҡастарҙы кунжут орлоҡтарында, кокос онтаҡтарында йә какаола әүәләргә була. Файҙалы тәмлекәс әҙер. Сәйҙәрегеҙ тәмле булһын!

Уңған килен Зөбәржәт Утарбаева

2026-07-01 (Мөхәррәм, 1448 йыл) №7.

Бәйт әл-Мөҡәддәсте төҙөп бөткәс, донъяла тиңе булмаған байрам ойошторола. Бик күп ҡорбан салына. Сөләймән, Аллаһу Тәғәләнән бөтә кешеләр өсөн бәрәкәт һорай: «Кем, ошо мәсеткә инеп, Һинең ризалығың өсөн ике рәҡәғәт намаҙ уҡый, ул, яңы тыуған сабыйҙай, гонаһтарҙан пак булып ҡалһын». Ул...

Совет дәүере, фәнгә нигеҙләнеп, илдә техник прогресс яҡтан үҫеш барлыҡҡа килтерә алһа ла, изге Ҡөрьән тәғлимәтен инҡар итеүе арҡаһында тәрбиә өлкәһендә хәл иткес һынылыш яһай алманы. Сөнки, изге Ҡөрьән тәғлимәте нигеҙендә тәрбиәләнмәгәндәрҙең ҡан тамырҙарына шайтан урынлашып, төрлө насар ғәҙәттәр...

«Аллааһүммә әнтә Раббии ләә иләәһә иләә әнт. Ғәләйкә тәүәккәлтү үә әнтә Раббүл-ғәршил-ғәҙыым. Ләә хәүлә үә ләә ҡуүәтә илләә билләәһил-ғәлиййил-ғәҙыым. Мәә шәә` Аллааһү кәәнә үә мәә ләм йәшә`ләм йәкүн. Әғләмү әннәллааһә ғәләә күлли шәй`ин ҡадиир. Үә әннәллааһә ҡад әхәәта бикүлли шәй`ин ғилмән...

Ҡамыр өсөн: 1 стакан һөт 2 аш ҡалағы шәкәр 2 аш ҡалағы эретелгән май йәки ҡаймаҡ 0,5 балғалаҡ тоҙ 0,5 балғалаҡ сода (йәки 1 балғалаҡ ҡамыр йомшартҡыс) 2 стакан он *1 стакан - 200 мл Эслеге өсөн: 300 г ҡуҙғалаҡ сама менән шәкәр (150-200 г) май Әҙерләү: Ҡамыр өсөн...

Эштәремде даими рәүештә кисектерәм. Гел көндәлек ваҡ-төйәк мәшәҡәттәр менән мәшғүлмен. Мөһим эштәрҙе гел һуңғы мәлгә ҡалдырам. Йыш ҡына эштәр йыйылып китә, уларҙы хәл иткән саҡта, ныҡ арыйым. Иғтибарымды төп эшкә йүнәлтә алмайым. Был хәлде нисек төҙәтергә? А., Наро-Фоминск ҡалаһы Дин...

Талҡандан тәмлекәстәр