ГIарцул пикру гьабизе бегьулищ?

Инсанасул рекIелъе гIемерал пикраби рачIуна. Ризкъиялъул пикрабазги толаро инсан цо хIалалда. Кисадай боцIи щвелебин абун вукIуна. Нилъеда лъазе ккола ризкъи тIалаб гьабизе гьукъун гьечIеблъи. Бечедав чиясдаги кIола гIадамазе ва диналъе кумек гьабизе. Кинниги лъазе ккола цебе щиб гьабизе кколебали.

Гьединал пикрабаз ТIадегIанав Аллагьасде ﷻ гIагарлъизе толаро. Щайин абуни, гьеб нафсияб, нилъее бокьун бижараб пикру букIиналъ. Гьелъ рекIее асар гьабичIого хутIуларо. Гьединлъидалин нилъеда лъазе кколеб щиб цебе гьабизе кколебали. Цин ризкъиялъул ургъелги гьабун, хадуб гурони Аллагь ﷻ ракIалде щоларесул мурад, гьелдаго релълъараб букIуна.

ГIалимзабаз абуна, ризкъиялъул пикру гьабиялдаса ракI сах-саламатго букIин кколин Аллагьасдасан ﷻ бугеб рахIмат ва нигIмат абун. Гьелдаса хвасарлъуларо ТIадегIанав Аллагьас ﷻ цIунарав чи гурони.

Нилъеда лъазе ккола БетIергьанас щибаб рухIалъе ризкъи бихьизабун бугеблъи. Кида-къадги нилъее бихьизабураб ризкъи щвечIого нилъ хутIуларо. Аллагьас ﷻ нилъ рижана ризкъиялдеги ва гьеб гуреб цогидаб жоялдеги хIажаталлъун. Гьезде мугъчIвазе ва гьезие лагълъи гьабизе рижичIо. Аллагьас ﷻ нилъ рижана гьел жалазде хIажаталлъун, ай Аллагь ﷻ нилъеда лъазелъун, Гьесде гIагарлъизелъун. Къуръаналда ТIадегIанав Аллагьас ﷻ абуна: «Я иман лъурал гIадамал! Нуж руго Аллагьасде хIажаталлъун, Аллагь вуго Бечедав ва Жиндие рецц гьабулев», - ян (сура «ФатIир», аят 15).

ТIадегIанав Аллагьас ﷻ нилъ ризкъиялде хIажаталлъун гьаруна, Гьесде гIагарлъизе рукIинелъун. Кинабниги бечелъи бижулевги кьолевги ТIадегIанав Аллагь ﷻ гурони гьечIелъулха.

Абула нафс лъарав чиясда Аллагьги лъалин абун. Щибха гьелъул магIна? Гьелъул магIна буго нафсалъул хIажалъи букIин, гьелъул гIодобегIанлъи лъани, Аллагьги ﷻ лъалин Гьесул ТIадегIанал сипатаздалъунин абураб.

Шамил МухIаммадов

2026-04-15 (Зул къагIида 1447 с.) №8.

№23626 рагъулаб часталъул командованиялъ ДРялъул муфтияталъул пресс-хъулухъалъул цIаралда битIун бачIана Баркалаялъулаб кагъат. Рагъулал хъулухъчагIаз муфтияталъул пресс-хъулухъалъе баркала загьир гьабулеб буго рагъухъабазе гьабулеб квербакъиялъухъ, информациялъулаб кверчIваялъухъ ва рагъухъабазул...

Нилъер диналда ригьин гьаби буго гIадат гуребги, цIияб гIумруялде гали тIамулеб, гъваридаб рухIияб магIна жиндилъ бугеб динияб къотIи-къай. ТIадегIанав Аллагьас ﷻ хирияб Къуръаналда абулеб буго (магIна): «ТIадегIанав Аллагьасул ﷻ хIалкIолъиялде тIоритIел гьабулел гIаламатаздасан буго гьес нужее...

Бусурбанчиясе, тIаде рачIунел тIабигIиял балагьал, букIа гьеб ракь багъари, гьурал рахъин, гIаммал унтаби, лъим кIанцIи ва цогидалги, гьеб буго бечедав-мискинав абун течIого, щивав чи кумек, хвасарлъи тIалаб гьабун къватIиве вахъунеб заман. Гьеб хIалалъулъ чияда ракIалде щола дунял тIаса ине,...

БетIергьан Аллагьас щивав чи вижула гIицIавлъун. Гьединго гьесулъ букIунаро щибго къуват, кинабгIаги магIишаталъул бетIергьанлъунги вахъун вачIунаро гьев дунялалде. Гьедин дунялалде лъугьарав чиясе Аллагьас кьола рикIкIун хIалкIоларелгIан гIемерал нигIматал. ТIад ретIине ретIелги, чорхое къуватги,...

Авараг ﷺ мисал босулев чи вукIиналъ, асхIабзабаз Аварагас ﷺ хIалтIизарулел рукIарал алаталцин рехсана. Ибну Асирица баян гьабуна стакан гьоркьохъеб кӀодолъиялъул букӀанин, я гьитӀинаб, я кӀудияб гуреб. Аварагасе ﷺ бокьулаан алатазда хасал цӀарал лъезе, стаканалда цӀарги лъуна «Раян» абун. Гьесул...

ГIарцул пикру гьабизе бегьулищ?