Аслияб гьумералде

Аллагьасда лъала

Аллагьасда лъала

Аллагьасда лъала

Инсанасул щибаб калам, пиша букIуна ТIадегIанав Аллагьасул ﷻ балагьиялда гъоркь. Къиямасеб къоялъ щивав чияс гьабураб лъикIаб ва квешаб гIамалалъухъ жаваб кьезеги ккола. Бищун лъикIалги ккола, гьарурал мунагьаздаса тавбу гьабун, Аллагьасде ﷻ руссарал.

 

Цо къоялъ Аварагасухъе ﷺ вачIуна гIалхул гIарабияв ва гьикъула: «Я Бичасул Расул ﷺ, дица мунагь гьабуна ва гьелда хадуб тавбуги гьабуна, ракIги бухIана. Аллагьас ﷻ дир тавбу къабул гьабулищ?» - илан. Гьесие Аварагас ﷺ Къуръаналъул аяталдалъун жаваб гьабуна (магIна): «ТIадегIанав Аллагь ﷻ вуго лагъзадерил тавбу къабулев гьабулев. Жинца ﷻ гьезул квешал гIамалал тIаса лъугьун толев. Аллагьасда ﷻ лъала нужеца гьабулеб гIамал». (Сура «Аш-Шура», аят 25)

Гьеб жаваб рагIидал гIарабияв вохун къватIиве ана. Цинги цIидасанги вачIана ва гьикъана: «Я Аллагьасул ﷻ Расул, дица махIцараб пиша гьабулаго ТIадегIанав Аллагьасда ﷻ бихьулеб букIанищ?» - илан. Аварагас ﷺ абуна бихьулеб букIанин ва цIалана Къуръаналъул аят (магIна): «ТIадегIанав Аллагьасда ﷻ лъала нужер бералъ гьабураб хиянатги. Нужер ракIазда жаниб бахчун бугеб балъголъиги лъала Аллагьасда ﷻ», - ян. (Сура «Гъафир»)

Гьеб аят рагIидал гIарабиясул гьаракь кIанцана ва гьес абуна: «Гьес ﷻ дир тавбуги къабул гьабула ва гьебгун цадахъ Гьесда кинабгоги ﷻ бихьула. Кин дида гьанже кIвезе бугеб Гьесухъ валагьизе», - ян.

Гьел рагIаби абун рахъиндал, гIалхул гIарабияв хола. (ИхIяъ)

Абу МухIаммад Тустарияс, живго гьитIинаб мехалда букIарабги ракIалде щвезабун, хъван буго: «Дир букIана лъабго сон. Цо-цо мехалъ дие бокьулаан рогьинегIан кьижичIого гIибадат гьабулев вугев имгIаласухъ валагьизе. Цо къоялъ гьес дида гьикъана: «Дуда дурго БетIергьан вичIчIулищ?» - илан. Цинги дица гьикъана: «Кин дида гьев вичIчIизе кколев?» - илан.

«Кьижизе вегулаго дуца лъабцIул такрар гьаре гьал рагIаби: Аллагь ﷻ дунгун вуго, Аллагьасда ﷻ дун вихьула, Аллагьасда ﷻ дир хIал лъала», - ян абуна гьес.

Гьеб къоялдаса нахъе дица гьел рагIаби такрар гьаруна ва гьелъул хIасилги халлъана. Жеги цо лъагIалидасан имгIалас абуна: «ХвезегIан дуца гьел рагIаби абичIого тоге. Дунял-ахираталда кIудияб пайда гьабила гьелъ дуе», - ян.

Чанго лъагIалидасан вихьидалги гьес абуна: «Аллагь ﷻ жинда цадахъ вугев, Аллагьасда ﷻ жив вихьулев ва Аллагьасда ﷻ жиндир хIал лъалев лагъ мутIигIавлъун кин вукIунарев?» - илан.

 

 

Жабир Мажидов

2026-08-15 (РабигIул аввал 1448 с.) №16.


Риидалил курсал ва торгIо хIай

1 августалда Шамил районалъул ХӀотода росулъ тӀобитӀана риидалил курсазде хьвадулел лъималазда гьоркьоб мини-футболалъул рахъалъ турнир. Къецазда гӀахьаллъана 13 соналде щвезегӀан ригьалъул лъималазул командаби. Турниралъул хӀаси-лалда тIоцебесеб бакI ккуна ТӀидиб росдал командаялъ, кIиабилеб бакӀ...


Аллагьасул ﷻ баракатаб сайигъат

ТӀадегӀанав Аллагьас инсанияталъе гӀемерал пайдаял пихъал рижун руго, гьезда гьоркьоб хасаб бакӀ ккола цӀибилалъ. Гьеб пихъ некӀсияб заманалдаса нахъе гӀадамазда лъалеб букӀана ва чанго нухалъ рехсон букӀана Хирияб Къуръаналда Аллагьас жиндирго лагъзадерие кьурал кӀудиял нигӀматазул...


Какда хадуб зикру ва дугIа

ТIадегIанав Аллагьасде гIагарлъиялъе бищун кIудиял нухазул цояб ккола зикру - Аллагь рехсей. Гьелъ муъминчиясул ракI чIаго гьабула, такъва щула гьабула, БетIергьанасулгун бухьен цIунизе кумек гьабула. Аллагьасул Аварагас ﷺ бусурбабазда малъана зикруялъул батIи-батIиял формаби ва бихьизабуна Аллагь...


Нужее баяналъе

Къуръаналда Гьуд авараг чан нухалъ рехсарав? – 4 нухалъ. «Аллагь» абураб рагIи Къуръаналда жаниб чан нухалъ такрарлъараб? – 2640 нухалъ КагIбаялъуб кинаб аят рещтIараб? – Сура «Нисаъ», аят 58. Гьеб аят сундул хIакъалъулъ...


Аварагасул ﷺ кIиго къиса

Аварагас ﷺ рихьизаруна чанго мугIжизатал, авараглъиялъул хIакъикъат гIадамазда бичIчIизабиялъе. Гьелдаго цадахъ аварагасда ﷺ гIезегIан захIмалъаби рихьана халкъ диналде ахIулаго. МугIжизатазул бищун кIудиябги ккола Къуръан. Щайгурелъул, Аллагьасул ﷻ калам букIиналъ, лъиданиги жиб хисизабизеги...