Аслияб гьумералде

КӀал къан чIезе лъангутIи

КӀал къан чIезе лъангутIи

Кидаго гӀадамазул рукӀарал аслиял масъалабазул цояблъун букӀана кӀал къан чIезе кIунгутIи. МацI сабаблъун чанги чи питнаялде ккана, ахираталда щвезе бугеб гIазаб рикIкIинчIого.

 

Цо къоялъ мадугьал вачӀун вуго гӀакъилав чиясул рокъове ва абун буго дур гьудуласул хӀакъалъулъ бицине цӀакъ кӀвар бугеб хабар бугин абун.

Амма гӀакъилас абула:

- РачӀа цин дуца дида бицинехъин бугеб жо лъабго цIалкIуялъусан биччазе.

Дида бицинехъин бугеб жо битӀараб букӀиналда ракӀчӀун вугищ мун?

- ГьечӀо, дида гьанжего гьанже рагӀана гьеб гӀадамаз абулеб. РакӀчӀун лъаларо.

- Дир гьудуласул хӀакъалъулъ дуца абизехъин бугеб жоялъул гьесие пайда бугищ? Дуе бокьун бугищ гьев веццизе, берцинаб жо абизе?

- Валлагь, унго-унголъунги гьечIо.

- Дие хIажат бугищ дуе бицине бокьараб хабар? Гьелъул пайда букӀинищ?

- Дие бокьун букӀана дидаго рагӀараб бицине. Гьелъулъ щибниги хайир гьечIо.

- Гьедин батани, дида абизе бокьараб жоялъул тӀубанго пайда гьечӀо, лъикӀал къасдалги гьечӀо, гьеб битӀарабищ яги тIекъабищалиги бичӀчӀулеб гьечӀо. Гьедин батани, щайха гьелъул бицинего кколеб?

Анлъго жо тӀадаб бугин хъвалеб буго тIахьазда, мацIал гьарун, харбал росун чи вачIарасда аскIоб цIунизе:

  1. Бицунев чиясда божичӀого чӀей. Щайгурелъул мацIал гьарулев чи, ритӀухълъи гьечӀев чи вуго, шаргӀалда ва адабалда рекъон, гьев божилъи гьечӀолъиялъе мустахӀикъав вуго.
  2. МацIал гьари гьесие гьукъе. Гьесда ракӀалде щвезабе гьеб мунагь букӀин. ХӀеренго, амма дур разилъи гьечӀолъи бихьулеб къагӀидаялъ.
  3. Аллагьасе гӀоло гьел харбал ва мацIихъанасул гIамал рихин. Гьеб ккола ракӀ бацӀцӀалъиялъе ва жамагӀат цӀуниялъул мурадалда мунагьаздаса рикӀкӀалъи. Жиндирго нафсалъе рихин кколаро.
  4. Бицен гьабулев чиясул хӀакъалъулъ квешаб пикру гьабичӀого тела. Вацасул хӀакъалъулъ лъикӀаб пикру – тӀадаб жо.
  5. БитӀараб бугищали халгьабизе хӀаракат бахъичӀого чӀей. Щайгурелъул гьелъ рачине бегьула щаклъиялде, хадуб халкквеялде, риххиналде.
  6. Бицен гьабураб жо хадуб тӀибитӀизабичIого тей. ХӀатта «цӀех-рех гьабизе бокьун» яги «гӀакълу дандбазелъун». Гурони, мунго лъугьуна мацIихъанлъун.

 

2026-08-15 (РабигIул аввал 1448 с.) №16.


Какда хадуб зикру ва дугIа

ТIадегIанав Аллагьасде гIагарлъиялъе бищун кIудиял нухазул цояб ккола зикру - Аллагь рехсей. Гьелъ муъминчиясул ракI чIаго гьабула, такъва щула гьабула, БетIергьанасулгун бухьен цIунизе кумек гьабула. Аллагьасул Аварагас ﷺ бусурбабазда малъана зикруялъул батIи-батIиял формаби ва бихьизабуна Аллагь...


Ахирисеб сапар

Хвел ккола щивав чиясда цебе бугеб, тIаса унареб хIакъикъат. ТIадегIанав Аллагьас абуна (магIна): «Кинабго напсалъ хвел чIамизе буго», - ян. (Сура «Алу-ГIимран», аят 185)   Гьединлъидал исламалъ бусурбабазда малъула хвалде хIадурлъи гьабизе гуребги, дунял тун унев чиясда аскIоб кин рукIине...


Аллагьасул ﷻ разилъи кин щолеб?

Нилъ рижун рати гIададисеб жо гуро. Пикру гьабуни, нилъеда гьеб бичIчIила, щайгурелъул, пикру гьабиялъ нилъ рачуна лъикIаб нияталде, битIараб нухде. Пикру гьаби исламалда беццараб ишги буго. Къуръаналда Аллагьас ﷻ абичIищ нилъ рижанин Гьесие гIибадат гьабизелъун.   Аллагьас ﷻ малъухъе...


Къурайшиязул кIалгIа

ХIурматиял бусурбаби, гьаб нухалда нижер редакциялъул сапар букIана Дагъистаналда ва гьеб бахун къватIибги машгьураб Къалакъурейш абураб бакIалде. ГьабсагIаталда гьеб ккола Дагъистаналде рачIунел туристазеги цIакъ бокьулеб бакI.    Нижее цебехъанлъи гьабуна гьеб росулъа умумузул вас...


Муфтияталда данделъи тIобитIана

Дагъистан Республикаялъул муфтияталда тӀобитӀана идарабазда гьоркьосеб данделъи. Гьелда гIахьаллъи гьабуна муфтияталъул вакил ИсмагӀилов Мурадица, ГӀалимзабазул советалъул председателасул заместитель КъахIиса МухӀаммадица, Россиялъул МВДялъул Северияб Кавказалъул федералияб округалда бугеб бетӀераб...