Муфтияталда данделъи тIобитIана

Дагъистан Республикаялъул муфтияталда тӀобитӀана идарабазда гьоркьосеб данделъи. Гьелда гIахьаллъи гьабуна муфтияталъул вакил ИсмагӀилов Мурадица, ГӀалимзабазул советалъул председателасул заместитель КъахIиса МухӀаммадица, Россиялъул МВДялъул Северияб Кавказалъул федералияб округалда бугеб бетӀераб централъул нухмалъулев Ульбашев Муратица ва цогидалги идарабазул вакилзабаз.

Гьенир гӀахьаллъараз гьоркьор лъуна миллатазда ва диназда гьоркьосеб хӀалуцин ккечӀого букӀиналда хурхарал суалал. Гьениб бицана гьабсагӀаталда унеб бугеб хасаб рагъулаб операциялъул хIасилалъул, миллатазда ва диназда гьоркьосеб рагIи дандеккунгутIиялде руссарал информациялъулал кампанияз гьабулеб хIалтIуде данде къеркьезе кколеблъиялъул хIакъалъулъ. Хасго кӀвар кьуна гӀолилазда гьоркьоб гьабизе кколеб профилактикияб хӀалтӀуде, цоцаздехун рокьукълъи бижизабулеб контент тӀатинабиялде.

Данделъиялдаса хадуб къотӀи гьабуна хадубккунги цадахъ рекъон хӀалтӀизе ва регионалда миллатазда ва диназда гьоркьосеб рекъел щула гьабиялде руссарал цадахъал тадбирал тӀоритӀизе.

2026-08-15 (РабигIул аввал 1448 с.) №16.

Инжир ккола бищунго машгьурал пихъазул цояб, хирияб Къуръаналда рехсон Аллагьас тIадегIан гьабураб. ТIадегIанав Аллагьас абуна (магIна): «Тин (инжир) ва зайтун абулеб жиб кIиялъулъго баракат бугеб, жиндаса инсанасе квание ва дару-сабабалъе мунпагIат босулеб пихъалдалъун гьедулев вуго...

ХIурматиял бусурбаби, гьаб нухалда нижер редакциялъул сапар букIана Дагъистаналда ва гьеб бахун къватIибги машгьураб Къалакъурейш абураб бакIалде. ГьабсагIаталда гьеб ккола Дагъистаналде рачIунел туристазеги цIакъ бокьулеб бакI. Нижее цебехъанлъи гьабуна гьеб росулъа умумузул вас...

Хвел ккола щивав чиясда цебе бугеб, тIаса унареб хIакъикъат. ТIадегIанав Аллагьас абуна (магIна): «Кинабго напсалъ хвел чIамизе буго», - ян. (Сура «Алу-ГIимран», аят 185) Гьединлъидал исламалъ бусурбабазда малъула хвалде хIадурлъи гьабизе гуребги, дунял тун унев чиясда аскIоб кин рукIине...

Дагьал церегIан къоязда Хунзахъ районалъул имамзабаз тIобитIана данделъи. Гьениб бицана районалда бугеб хIалалъул ва рорхана районалъул динияб гӀумруялда хурхарал масъалаби. Хасго кӀвар буссинабуна баракатаб рабиул аввал моцӀ байбихьиялда хурхарал суалазде, гьединго, гьеб заманалда тӀоритӀизе...

Муфтияталда данделъи тIобитIана