Баркала, имам
Ниж руго Хасавюрталда гIумру гьабун ругел Унсоколо районалъул Бекьилъ росдал жамагIат. Хасавюрталда гIумру гьабулел ругелдаса буго 60-ялдасаги цIикIкIун сонги. Нижее бокьун буго, казият гьоркьобккун, ракI-ракIалъулаб баркала загьир гьабизе росдал имам ХIажие.
Гьесул кумекалдалъун гьабулеб буго кIудияб хIалтIи, росдал гIадамазе лъола дарсал. Радал дарсазде уна гIисинал ясал, къалъудаса хадур васал, маркIачIуда – бихьинал, боголида - руччаби. ГIисинал васазегун бихьиназе дарсал кьола имам ХIажица, руччабазе дарсал кьола ХасмухIаммадил яс Аминатица, гIисинал ясазе - Мухтарил яс ПатIиматица. Мажгиталда хIалтIи гьаби гуребги ХIажица росулъги гьабула бажарараб хIалтIи, унтаразухъе щола, къварилъи ккаразда аскIов эхетула. Ниж ХIажидаса кутакалда разиял руго, Аллагь разилъаги гьесдаса, рекIел мурадал тIураги.
БЕКЬДЕРИЛ ЖАМАГIАТ
