Аслияб гьумералде

Муфти дандчIвана патриарх Кирилгун

Муфти дандчIвана патриарх Кирилгун

Муфти дандчIвана патриарх Кирилгун

29 октябралда Москваялъул ва тIолабго Русалъул патриарх Кирилгун дандчIвана ДРялъул муфти, шайих АхIмад-афанди.

Гьез борхараб цо масъалалъунги букIана цIалул идарабазда лъималазул ва гIолилазул ретIа-къаялъул суал.

Шайих АхIмад-афандица Кирилида гьарана Россиялъул бусурбабазе рахIат толарого бугеб гьеб масъала тIубазабиялъе квербакъи гьабейилан абун. Гьениб лъикIаблъун бихьизабуна тIолалго школазе цо гIаммаб ретIел бугони лъикIаб букIинаанин ва ботIрода кIаз къаялъе квалквал гьаби гьукъизе ккелин абун. Гьеб пикруялъул рахъ ккуна патриархасги.

Рехсараб дандчIваялда Кирилица шайих АхIмад-афанди кIодо гьавуна «Слава и Честь» абураб орденалдалъун.

Тадбиралда, гьединго, гIахьаллъи гьабуна Дагъистаналъул бетIер Сергей Меликовас ва МахIачхъалаялъулгун Грозниялъул архиепископ Варлаамица.

 

2026-04-15 (Зул къагIида 1447 с.) №8.


Балагь-къварилъи

Бусурбанчиясе, тIаде рачIунел тIабигIиял балагьал, букIа гьеб ракь багъари, гьурал рахъин, гIаммал унтаби, лъим кIанцIи ва цогидалги, гьеб буго бечедав-мискинав абун течIого, щивав чи кумек, хвасарлъи тIалаб гьабун къватIиве вахъунеб заман. Гьеб хIалалъулъ чияда ракIалде щола дунял тIаса ине,...


Бахиллъиялъул зарал

БетIергьан Аллагьас щивав чи вижула гIицIавлъун. Гьединго гьесулъ букIунаро щибго къуват, кинабгIаги магIишаталъул бетIергьанлъунги вахъун вачIунаро гьев дунялалде. Гьедин дунялалде лъугьарав чиясе Аллагьас кьола рикIкIун хIалкIоларелгIан гIемерал нигIматал. ТIад ретIине ретIелги, чорхое къуватги,...


Балагьаздалъун хIалбихьи

ХIурматиял бусурбаби, гьаб гIагараб заманалда нилъер Дагъистаналъул бакI-бакIазде бачIана ракIалдаго букIинчIеб къварилъи. Гьелъие сабабалъунги ккана бараб чваххунцIад. Гьелъул хIасилалда Дагъистаналъул тахшагьар МахIачхъалаялда, Хасавюрт районалъул росабалъ ва цогидал бакIазда лъим рукъзабахъе...


Суал-жаваб

Гамида рекIун сапар гьабулев чиясул сапар киб байбихьулеб? Шагьар бугони ралъдал рагӀалда бугеб, ракьалдасан гьенире щвезегIан рекIун ине кколелги гьечIони ва гамидал ралъдал рагӀалде бачIинеги кIолеб бугони, сапаралъул байбилъун лъугьуна (гьес как къокъ гьабизе ва тIаде росун разе гIадал...


Гъоркье валагье

ТӀадегӀанав Аллагьас дунял бижана къануназда ва къагӀидабазда рекъон. Нилъеда сверухъ бугебщинаб жо низамалда букӀуна: заманал хисула, планетаби хьвадула, гьел системабазул цонигиял жидецаго чӀезарурал гӀорхъабаздаса къватIиреги кколаро.   Амма тӀабигӀаталда къанунал рукӀунел гӀадин,...