Аслияб гьумералде

Имамасул нух

Имамасул нух

 

Цо-цо чагIи рукIуна районалъул имамас гьабулеб хIалтIул магIна бичIчIуларел, щиб гьез гьабулебин абулел. ХIакъикъаталдайин абуни гьез тIубазе кколебщинаб бихьани, гьаб хIалтIи гьабизего бокьиларинги ккола. Гьединлъидал, гьезул хIалтIул цо гьитIинабго бутIа бихьизабиялъул мурадалда, жакъа нижергун гара-чIвариялда вуго Унсоколо районалъул имам МухIаммад ГIабдулахIидов.

 

 

 

 

Гьев цо соналъ цIалана ЦIияб ЧIикIаб росдал мадрасаялда, лъабго соналъ цIалана ГIасаб росдал мадрасаялда. Гьединго щуго соналъ цIалана Хьаргаби росдал мадрасаялда. ЛъагIел бана гIелму цIалулаго Буйнакскиялда. Гьениса витIана ГIашилтIа росдал мадрасаялде ва лъагIелгун бащдаб гьенибги бан вачана Унсоколо росдал мадрасаялде.

ХIалтIана ГIашилтIа росдал имамлъун.

 

- МухIаммад, гIемерисеб мехалда районалда гьабулеб хIалтIул хIакъалъулъ бицани бокьилаан.

- Аслияб куцалда тIоритIула мажлисал. Щибаб росулъ кьолел дарсазда хадуб букIуна бербалагьи. ЖамагIатазулгун гьабула гьоркьоса къотIи гьечIеб хIалтIи. ТIурала хвел-хобалалда хурхарал суалал. «Ас-салам» казияталъул хIалтIиги гьабула цадахъго. Масала, районалъе бихьизабун букIараб къадаралдаса 200 экземпляралъ цIикIкIун хъвана исалмияб казият. 6-7 нухалда, кумекалъе рачун гIолохъабигун цогидал районаздеги ун рукIана подписка гьабиялъе кумек гьабизе. Имамзаби щвезе ккола батIи-батIиял чагIазухъе, цIехезе ккола гьезул ахIвал-хIал. Ригьин гьабиялда жаниб буго лъугIелго гьечIеб хIалтIи. БитIараб бицани, хIалтIи буго гьабурабгIан ва нижеца кIвараб хIаракатги бахъула тIадкъараб иш ракIбацIцIадго тIубазабизе.

 

 

 

 

- ГIолилазулгун гьабулеб хIалтIи букIунищ?

- Ниж кидаго щола росабазул школазде. Бицуна хабар, гьарула вагIзаби, тIоритIула спортивиял турнирал. ГIолилалги данде ракIарун тIоритIула батIи-батIиял тадбирал. Гьединал ишаз хIасилги кьола.

Гьединго гIолохъабазда бичIчIизабула хIарамал ва заралиял жалаздаса рикIкIад чIезе кколеблъи. КIвараб хIаракат бахъула тIаде гIолеб гIел пайдаяб ишалде буссинаризе.

 

- МухIаммад, щиб абилеб казият гьоркьобккун?

- Баркала кьезе бокьун буго росабазул имамзабазе. Гьез гьабулеб хIалтIи буго цIакъго кIудияб. Гьединго киназего гьарула тIад таразе мутIигIлъизе къуватги сабруги. Тавпикъ камун нилъ тогеги.

 

Гара-чIвари гьабуна Шамил МухIаммадовас

 

 

2026-06-15 (МухIаррам 1448 с.) №12.


Халкъалъе рухса

Аллагьас ﷻ, Жиндирго рахIма-талдалъун, сапаралъ унел бусурбабазе ахIвал-хIал бигьа гьабуна. Гьединлъидал, сапаралъ унев чиясе изну кьола цо-цо бигьалъабаздаса пайда босизе. Гьел бигьалъабазда гъорлъ руго ункъо ракагIаталъул какал кIигоялде къокъ гьари, гьединго кIиго как цоцаде тIаде...


Сундуего дару

Садакъа ккола бищун лъикIал гIамалазул цояб. Гьеб кьеялдалъун инсан ТIадегIанав Аллагьасде гIагарлъула ва дунялалдаги ахираталдаги кири щола. Аварагас ﷺ абуна: «Бащдаб чамасдакIалдалъунгIаги цIуне цIаялдаса», - ян. ЧамасдакIалъул гьитIинабго кесекалъ чи жужахIалъул цIаялдаса хвасар...


Рогьалил суннат

Рогьалил как жамагIаталда бай ккола цIакъ хирияб гIибадат. Нилъеда лъала гьениб «Магьдина» цIалулеблъи. Гьелде кIвар кьечIогоги тола цо-цояз. КIиабилеб ракагIаталъул рукугIалдаса ворхидал, гьелъул тасбихI-дугIа цIалун хадуб «Магьдина»...


Хиралъи тIадегIанав

МухIаммад авараг ﷺ ккола ТIадегIанав Аллагьас ﷻ тIаса вищарав ва бищунго Гьесие вокьулев авараг. Гьев ﷺ вуго Къиямасеб къоялъ инсанияталъулго сайид. Киналго аварагзабаз Къиямасеб къоялъ, хIатта кIудиял аварагзабазцин гьесухъе айилан абула. Гьев вуго Къиямасеб къоялъ киназего шафагIат гьабулев...


Лъимал цIуниялъул къоялде

Халкъазда гьоркьосеб лъималазул къо кӀодо гьабун, Каспийск шагьаралда тӀобитӀана «ЦӀуниялда бугеб лъимерлъиялъул канлъи» абураб рахӀмуялъул хъизаналъулаб рекӀин. Гьеб кӀудияб ва унго-унголъунги ракӀ хинлъизабулеб тадбиралда гӀахьаллъана I500-ялдаса цӀикӀкӀун чи — лъимал ва гьезул эбел-эмен. Байрам...