РекIее захIматаб хасият
ГIумрудул нухдасан унаго инсуца гьарурал малъа-хъваязул хъуй жакъаги буго гIундузда багъулеб. Гьес кидаго абулаан: «Нужеца инсанасул ракI лъукъуге, чияе заралги гьабуге», - ян. Гьединго абулаан: «РагIул къуват хвалчадаса цIикIкIараб буго», - иланги.
Гьединаб пикругун цеехун унаго дие кутакалда захIмалъана ва бихьана цо-цо гIадамаз цогидазул бигьаго ракI лъукъулеб бугеб куц. Щай чиясда ракIалде ккезе кколеб жалго лъикIал, цогидал квешал ругин абун. ТIадегIанав Аллагьас нилъ киналго бащадго рижунги рукIаго. Щибго захIмалъи гьечIого, рекIее бокьухъе, дин гьабизе тунги рукIаго, мунагь кколарищ цогидазул ракI беки?
Дунялалъул боцIи хиралъиялъ инсанасда инсан вихьулев гьечIо. Цебесан цо хабарги бицун, нахъасан квешлъи гьабизе нахъе къалелго гьечIо. Амма дица инсул насихIат наслабазеги васияталъе тезе буго. Ва гьелде кIвар гьабулеллъун гьел лъугьагиян Аллагьасдаги гьарула.
ПАТIИМАТ ГIАБДУЛАЕВА
