МЯЛУМАТ

Пайгъамбар ﷺ бабкан гъахьи йигъ мубарак

МЯЛУМАТ

Гьюрматлу гъардшар ва чйир! Мугьяммад пайгъамбар бабкан гъахьи ва инсаниятдиз хусуси вуди дебккнайи йигъахъди учву вари кlваантlан тебрик апlураза.

Мугьяммад пайгъамбар вари аьламариз рягьим вуди гьаънайир ву. Думу уткан ва заан хасиятнан ва фукьадар инсанар акувалихъна гъюз себеб гъахьи кас ву.

Гирами Каламдиъ Аллагьу Тааьлайи дупна (мяна): «Учу Уву гьаунча (я Мугьяммад) вари аьламдиз рягьимлур вуди» (сура «аль-Анбия», 107-пи аят). Аллагьу Тааьлайи дупна (мяна): «Дугъриданна, уву (я Мугьяммад) заан хасиятнан кас вува» (сура «аль-Калам», 4-пи аят).

Гъит Аллагьу Тааьлайи ихь юкlвар Пайгъамбарихьна ﷺ вуйи ккунивалихъди арцlри, дугъан рякъ бисуз, дугъан суннайихъди гъягъюз кюмек туври ва Гъиямат йигъанра дугъан шафааьт ухьуз кьисмат апlри.

Гъит Аллагьу Тааьлайи ухьуз шлубкьан артухъ дугъ’инна салаватар урхуз, дугъан уьмрикан аьгъю апlуз ва, ухьуз вардариз нумуна вуди, дугъахъди гъягъюз кюмек туври.

Ккун апlураза Аллагьу Тааьлайи ихь Ватан вари чlурубдихьан, бедбахтваларихьан, футнайихьан уьрхюб. Амин!

 

Дагъустандин муфтий А.М. Аьбдулаев

2026-07-01 (Мугьяррам 1448 г.) №7.


Ничlрас гъулаъ цlийи имам

Табасаран райондин варитlан ачухъди ккабалгнайи гъуларикан саб Ничlрас гъул ву. Му гъул жямяаьтдин арайиъ аьхюдарихьна гьюрмат ади, бицlидарихьна рягьимлувал ади янашмиш шулайиб ву.   Рягьматлу Хайирбег халу му гъулаъ имамди вуйи вахтна дарсариз гизаф бицlидар гъюри шуйи. Гъул-жямяаьтдин...


Суал-жаваб

- Жилир убхърур вуйиз. Гьадму себеб вуди дугъхьан жара хьуз ккундузуз. Ипlруб-алабхьруб тувра, амма гьаци вушра, дугъу арагъ убхърувалиан сарун дугъахъди яшамиш хьуз ккундарзуз. Узуз тlалакьдин гафар тувну йиз хулаз гьаъ гъапиган, гъярхьивалар шулайич. Гьамдин гьякьнаан узу имамдихьна душну...


Цlийи йисаъ учlвнахьа!

Ассаламу аьайкум, гьюрматлу ватанагьлийир! Магьа гьижрайиинди 1448-пи йис улубкьна. Мугьяррамдин ваз цlийи йисандин сабпи ваз ву. Му вазлин дахилнаъ гирами Аьшурайин йигъра а. Мусурман касдиз му ваз лап заануб ву.   Гьарсар касди чан ккудубшу йисандин натижйир адагъну ккунду, ва думу йисан...


Чиб-чпихьна сабурлувалиинди янашмин йихьай

Адашиз сар хъпебехъру чIуру бай ади гъахьну. Дугъу кми-кмиди абйир-бабариз гиран ктапIуйи. Гьар ражари бали чаз гиран ктапIган, адаш жара хулазди учIвну, душван цIализ ккум йивури гъахьну, гьаци чав сабурнахъна гъюз кIури. СацIиб вахтналан думу цалик ккум йивуз йишв кимдайи.   Саб ражари бай...


Гьаму дюн’ятIан заан вуйи гъудган

Гьаму дюн’я ва вари му дюн’яйиъ айибтIан заанди ва багьалуди вуйи гъудган айин?   Имам Муслимдихьан вуйи Пайгъамбарин ﷺ гьядисдиъ гьамци дупна: ركعتا الفجر خير من الدنيا وما فيها   «ГвачIниндин гъудгнин улихь вуйи кьюб ракааьт суннат-гъудган заанди ву гьаму...