РД-йин Муфтийи тебрик апIура

РД-йин Муфтийи тебрик апIура

Гьюрматлу чвйир ва чйир! Вари мусурмнар улубкьурайи гирами Рамазандин вазлихъди кIваантIан тебрик апIураза! Му ушвар дисру, юкIвар марцц апIру, ужудар ляхнар гизаф апIуз чалишмиш духьну ккуни ваз ву. Гьарйисан ухьу му вазлиз кIваантIан ккилигури шулхьа. Ужувлак умуд кивну, Аллагьу Тааьлайихьна илтIикIну, Дугъаз гьямд апIури, жвуван диндин терефназ хусуси фикир туври шулхьа. Ва гьацира мянфяаьтниинди му ваз кIулиз адабгъуз ухьуз кюмек тувуб ккун апIури шулхьа.

Рамазандин вазлин йигъар-йишвар жвув ужувлахъинди илтIикIуз, ужудар ляхнарихъ хъюгъюз кюмек туврудар ву. Ушв бисувалиан инсандин бедендиз аьхю мянфяаьт а. Ушв бисури, инсанар сабурнахъна, касибар-аьжузарикан фикир апIбахъна гъюру. Ушв бисувалин мяна анжагъ ипIрубдихьанна-убхърубдихьан гьадатΙбиинди ккудубкIурадар, думу вахтна ушв дибиснайириз гьарсаб дакьикьайихъан саваб шулу, хъа думу саваб сарун гьич сабдихъдира тевуз шлуб дар.

Абу Гьурайрайи Пайгъамбарин ﷺ гьамциб гьядис хура: «Аллагьди ﷻ гъапну: «Адамдин веледарин гьарсаб ляхин жвув бадали апIурайиб ву, анжагъ ушв бисувал ктарди, дугъриданна, ушв Узу бадали бисурайиб ву, ва Узу дидхъан савабра тувдиза»» (АльБухари). Гъит Аллагьу Тааьлайи му вазли ухьуз кIваантIан ибадат апIуз, ужувлан ляхнар апIуз, ушв бисуз кюмек туври! Гъит Аллагьди ﷻ ухьу гунгьарихьан ярхла апIри! Гъит му ушварин ваз вари мусурмнарин арайиъ сабвал хьуз себеб ибшри. Му ваз улубкьбахъди вари йишвариъ футна, дявйир, гъярхьивалар имдарди хьуб ккун апIурахьа. Амин! Дагъустандин Муфтиятдин гъуллугъчйирин ва гьацира йиз терефнаан вари мусурмнар му гирами Рамазандин вазлихъди тебрик апIураза!

АЬГЬМАД АФАНДИ АЬБДУЛАЕВ

РД-ЙИН МУФТИЙ

2026-07-01 (Мугьяррам 1448 г.) №7.


Шуран абйир-бабариз даккунди вушра, думу хпирди гъадагъуз шулин?

Никягь апIувалин шартIарикан саб риш чан вали касди швуваз тувувал ву. Хъа дугъан вали ксарикан сарпир вуди шуран адаш шула. Эгер адашиз ккундарш, думу шурахъди фици никягь диврухъа?   Жара рякъяр агури лицуб герек дар. Эгер гьадму шурахъди гележег ккабалгуз ккундуш, сабпи нубатнаан дугъан...


Жаназа гъудган шли дапlну ккуниб ву?

Жаназа гъудган мусурмнарин жямяаьтдиин али фарз ву (фарз аль-кифая). Гьаддиз, эгер жямяаьтдин арайиан сар касдикьан жаназа-гъудган алапlиш, имбударилан фарз алдабхъура ва дурариз гунагьра шулдар. Хъа сарикьан думу ляхин дарапlиш, вари жямяаьт гунагьнаъ шулу.   Жаназа-гъудган сар касди апlуб...


Гирами Кьур’андиан вуйи насигьятар

Гирами Кьур’ан инсаниятдин аьхиризкьан варидариз насигьят вуди дебккнайиб ву. Аллагьу Тааьлайин душваъ дупнайи гафарихъди гъягъюри гъахьиш, инсандиз му жилиинра, аьхиратдиъра аьхю ужувлар шул. Магьа ичв фикриз гирами Кьур’андин «Гьюжурат» сурайиан вуйи насигьятар туврача....


Бицlидарин шадвалин йигъар

Ассаламу алейкум, аьзиз ватанагьлийир! Аьхиримжи йисари бицlидарин тятlиларин вахтна Дагъустандин тамам вари шагьрар-гъулариъ бицlидар диндихъди таниш апlру дарсар гъягъюри шулу.   Гьар йисан бицlидарин натижйириз лигруган, юкlв шад шулу. Улихь вахтари мицдар мумкинвалар адайи, думуган,...


Ничlрас гъулаъ цlийи имам

Табасаран райондин варитlан ачухъди ккабалгнайи гъуларикан саб Ничlрас гъул ву. Му гъул жямяаьтдин арайиъ аьхюдарихьна гьюрмат ади, бицlидарихьна рягьимлувал ади янашмиш шулайиб ву.   Рягьматлу Хайирбег халу му гъулаъ имамди вуйи вахтна дарсариз гизаф бицlидар гъюри шуйи. Гъул-жямяаьтдин...