Пайгъамбар бабкан гъахьи ваз

Пайгъамбар бабкан гъахьи ваз

Ассаламу аьлайкум ва рагьматуллагьи ва баракатугьу!

Гьюрматлу чвйир ва чйир! Учву вари Пайгъамбар ﷺ бабкан гъахьи вазлихъди кlваантан тебрик апlураза.

 

Му гирами вазлин муддатнаъ ухьу артухъди Пайгъамбар ﷺ кlваин апlури, салаватар хури, мавлидар апlури шулхьа.

Дагъустанлуйири йислан-йисаз ихь Пайгъамбарихьна ﷺ вуйи ккунивал хъанара ижмиди улупура. Дурар вари сатlиди аьхю серенжемариъ иштирак шули, душваъ варидари сатlиди салаватар урхури шулу.

Пайгъамбарихьна ﷺ вуйи ккунивал Аллагьу Тааьлайихьна вуйи ккунивалин асас пай ву.  Аллагьу Тааьлайикан ихь юкlвариъ Пайгъамбарихьна ﷺ вуйи ккунивал артухъ апIуб ва ухьу Чаз ккуни лукlарикан апlуб ккун апlурахьа.

Гирами Каламдиъ дупна (мяна): «Пайгъамбар учвуз, Аллагьу Тааьлайик умуд кайидариз, Гъиямат йигъахъ хъугънайидариз ва Аллагьу Тааьла артухъди зикир апlрудариз уткан нумуна ву» (Сура аль-Агьзаб», 21-пи аят).

Пайгъамбар ﷺ нумуна вуди дидисну гъягъюри, ухьу сабурлударикан ва имтигьянарикк аьгь апlрударикан шулхьа. Хъа Пайгъамбарин ﷺ уьмрикан аьгъю апlури, ухьуз рягьимлувалин раккнар ачмиш шулу. Пайгъамбарин ﷺ заанвалин гьюрматнаан Аллагьу Тааьлайикан ихь Ватан кьаза-балйирихьан, гъярхьиваларихьан уьбхюб ккун апlураза.

Гъит Аллагьу Тааьлайи ихь юкlвар Пайгъамбарихьна вуйи ккунивалихъди тухъ апlри! Амин.

 

Дагъустандин муфтий, шейх Аьгьмад Афанди

2026-03-01 (Рамазан 1447 г.) №3.


Гъудгнин жикlувал батlил дубхьнайи касди апlуз хай даршлу ляхнар

Эгер сар касдин ухьу зиихъ ктуху ляхнарикан сабкьан арайиз гъафиш, дугъан гъудгнин жикlувал батlил шулу. Гъудгнин дижикlну адру касдиз исихъ улупнайи ляхнар апlуб гунагь шула:   Гъудган апlуб. Кьур’ан урхбан сужда (Суждату Ттилават) ва шукур апlбан сужда апIуб. Кябайилан илдицуб...


«Ас-салатуль-Ибрагьимия»

Сабпи (дидин кьяляхъ салам адру) «ат-Тагьиятдиъ» салават урхруган, Пайгъамбарин ﷺ асгьябариина, яна тухмариина салават урхурдар.   Хъа «ат-Тагьиятдин» кьяляхъ салам тувруган, Пайгъамбарин ﷺ тухумдиинара салават урхуб суннат ву, хъасин «ассалатуль...


Бисми дапIну, абин кIулихъ ясин урх

Гьюрматлу ватандашар, гьаму шиърар Табасаран райондин ТинитI гъулан вакил Зейнудин Фятягьовди гъидикIдар ву. Шиърарин цIарариъ улихьдин чIалнан девлет ва багьалувал, инсандин ислам диндихьна вуйи рафтар улупура.   Фятягьов Зейнудин Аьбдулфятягьович 1930-пи йисан 30-пи майди Табасаран...


Эй сабвал, сабвал! Набшдикlан уву?

Рамазандин ваз улубкьну! Гьар ражари Рамазандин ваз улубкьруган, арайиъ адру «аьлимарра» ачмиш шулу. Гьарсар блогериканра «аьлим» шула. Миди фу кIура?   Гьаму ляхни диндин аьгъювалар адрудариз чни заанди рякъюрайивал улупура. Рамазандин гирами ваз улубкьруган,...


Вакьф фу-вуш ва дидин шартIарикан жикъиди

Ассаламу аьлейкум, гьюрматлу ватанагьлийир! Узуз гьаму бицIи макьалайиъ вакьф фу-вуш ва, думу тамам хьпан бадали, фицдар шартIар аш, гьадрарикан ктибтуз ккундузуз. Ихь мусурман гъардшарин ва чйирин вакьфдихъди аьлакьалу гизаф суалар шулу. ИншаАллагь, гьаму макьалайиъ ухьу жикъиди дидкан хабар...