Суал-жаваб

Гъудгнин жикlбан фарзар фундар ву?

Гъудгнин жикlруган тамам дапlну ккуни 6 фарз а.

Сабпиб – ният. «Узу ният гъапlза фарз гъудгнин жикlуз».

Кьюбпиб – маш жибкlуб

Шубубпиб – хъуршларра кади, кьюбиб хилар жикlуб.

Юкьубпиб- кlулин масгь апlуб (кIуллан кьяши хил алдатуб).

Хьубпиб – кьюбиб ликар жикlуб.

Йирхьубпиб – саб тмунубдин кьяляхъди жикlувалин къайда уьюбхюб.

Пайгъамбар ﷺ швнуд йисаъ ади сабпи ражари эвлемиш гъахьну?

Сабпи ражари эвлемиш шули, Хадиджа чаз хпирди гъадагъруган, Пайгъамбарин ﷺ 25 йис вуйи. Дурар 25 йисан сатlиди яшамишра гъахьну.

Сагьябар фужар ву?

Сагьябар – мурар Пайгъамбарин ﷺ вахтна яшамиш шули, думу гъяркъю ва дугъахъди гаф-чlал гъапlу ксар ву, мусурман дин кьабул гъапIхъан, дурари мусурманвал дипундар.

Сагьябар мугьажираризна ансарариз жара шула.

Мугьажирар Меккайиан Мединайиз Пайгъамбарихъди ﷺ гьижра гъапlу сягьябар ву.

Ансарар, Ислам кьабул дапlну, мусурмнариз кюмек апlури гъахьи Медина шагьрин агьалйир ву.

Гирами Каламдиъ Аллагьу Тааьлайин швнуб ччвур кlваин дапlна?

Гирами Каламдиъ Аллагьу Тааьлайин 99 ччвур кlваин дапlна.

Гирами Калам швнуд йисандин арайиъ назил шули ими?

Гирами Калам 23 йисандин арайиъ тамамди назил гъабхьну.

Гирами Каламдиъ фуну малаикарин ччвурар кlваин дапlна?

Каламдиъ 5 малаикдин ччвурар кlваин дапlна: Джабраил, Микаил, Харут, Марут, Малик.

Варитlан гизаф гирами Каламдиъ фуну пайгъамбарин ччвур кlваин дапlна?

Гирами Каламдиъ варитlан артухъ Муса пайгъамбарин ччвур кlваин дапlна, думу ччвур Гирами Кьур`андиъ 136 ражари алабхъура.

Шнуб сура пайгъамбрарин ччвурариинди улупна?

Гирами Каламдиъ 6 сура пайгъамбрарин ччвурариинди улупна: сура «Юнус», сура «Гьуд», сура «Юсуф», сура «Ибрагьим», сура «Нюгь» ва сура «Мугьяммад».

Пайгъамбарин ﷺ асгьябарикан Гирами Каламдиъ фунурин ччвур кlваин дапlна?

Гирами Каламдиъ Зайд ибн Гьярис кlуру асгьябдин ччвур кlваин дапlна.

2026-05-01 (Зуль Къаида 1447 г.) №5.

Бургьанкент гъулан имам Рамазан Шихбабаевдихъди вуйи интервью Ихь жигьил имамарикан ва дурари гъабхурайи диндин ляхнарикан мялумат тувуб давам апlурахьа. Улихь нумрариъ ухьу гъапиганси, жигьилари чпин уьмрин рякъ диндихъди аьлакьалу апlувал заан ляхнарикан ву, ва гьарсар кас дурариз...

Мусурман касди апIру вари жюре ибадатариз чпин улупнайи къайдйир а, яни фарзар, суннатар ва жара дапIну ккуни ляхнар. Му ляхнар мусурман касди апIурайи ибадат заан дережайиинди кьабул апIбан бадали герек шлудар ву. Хъа думу ибадат кьабул апIбан бадали, думу гьацира Аллагьу Тааьла бадали,...

Гьяж апIувал ибадатарикан варитIан кьиматлуб ву, гьаз гъапиш думу жандкиинди ва дакьатариинди апIурайиб ву. Пайгъамбари ﷺ дупна: "مَنْ حَجَّ فَلَم يَرْفُثْ, وَلَمْ يَفْسُقْ رَجَعَ كَيَوْمِ وَلَدَتْهُ أُمُّهُ" Мяна: «Фуну касдира гьяж гъапIиш, эгер думу вахтна дишагьлийихъди сатIи...

Инсан гьаму дюн’яйиллан гъягъювал лап читин ляхнарикан ву. Хъа варитIанна читин ляхин вуйиб, эгер инсан ислам диндиъ адарди кечмиш гъахьиш, гьадму ву. Хъа фу себеб дубхьну инсан му жилилан мусурман дарди гъягъюз мумкин вуш, магьа исихъ улупурухьа: 1) гьярам вуйи бид`аь ляхнарихъди...

Мусурмнарин варитIан асас машквар улубкьура! Гьямд ибшри Аллагьу Тааьлайиз магьа аьгъзрариинди ихь гьюкуматдиан мусурмнари му гирами машквар Мекка ва Медина шагьрариъ адапIура. Мусурман касдин кIваъ айи заан ниятарикан ва метлебарикан гьисаб шула. Улихь нумрайиъ гьяждихъди аьлакьалу...

Суал-жаваб