Мискинариз-фагъирариз аьхю кюмек

Мискинариз-фагъирариз аьхю кюмек

Мискинариз-фагъирариз аьхю кюмек

Ассаламу аьлейкум, аьзиз ватанагьлийир. Ихь уьмур Аллагьу Тааьлайи гьаци дебккнаки, ухьуз девлету ксарра алахьура, лап касибди яшамиш шулайидарра. Аллагьу Тааьлайин табшуругъдиинди девлету ксари чпин мал-мутмуйилан закат туври касибариз кюмек дапIну ккунду.

Касиб агьлуйир гьарган кюмекназ ккилигурайидар ву. Магьа гьаци улихьнаси Гъурбан машквран кьюбпи йигъан Табасаран райондинъ айи «Инсан» фондди 500 кг йикк касибарин арайиъ пай гъапIну. Дупну ккундуки, чпин урчIарихъна йикк хьади гъафиган, дурарин разивал лап аьхюб шулу, дурарин мелзналан улдубчIвру гьарсаб гаф «чухсагъул, Аллагьу Тааьла рази ишричвукан» кIурудар ву. Ав, ухьхьан гьар йигъан, ясана гьар гьяфтайи саб ражари дурариз йикк тувуз даршул, хъа гьамци йискьубаъ саб-кьюб ражарикьан дурар рази гъапIган, жвуван кIвазра рягьят шулу ва Аллагьу Тааьлара рази шул. Саб Табасаран райондиъси, Дагъустандин кми-кмиди вари шагьрар-районариъ мицдар акцйир кIули гъушну. Дербент ва Огни шагьрариъ вари мюгьтаж’вал айидариз машквар йигъан йикк тувну, гьаддиинди дурарин машнаъ шадвал рябкъюйи. Магьа шубуд йисандин арайиъ Табасаран райондиъ айи «Инсан» фондди душваъ яшамиш шулайир касибарин, мискинарин мюгьтаж’валариз лигура. Гъит Аллагьу Тааьла му хайирлу ляхин кIулиз гъабхурайидарикан гизаф рази ишри. Хив райондиъра машквран кьюбпи ва шубудпи йигъари гъубкку гъурбнан йикк аьжузариз туври акцйир кIули гъурхну. Гъит Аллагьу Тааьлайи гьарсарин гъубкку гъурбан кьабул апIри, гъит Аллагьу Тааьлайи гъюру машкврарра юкIв шадди, жан сагъди гюрюшмиш апIуз ухьуз сагъвал туври.

2026-03-01 (Рамазан 1447 г.) №3.


Иван Грозный ва гирами Кьур’ан

Иван Грозныйи гирами Кьур’андиинди ху апlуз гьаз гъитри гъахьну? Тарихчйирин Иван Грозныйдихьна (1530-1584) жюрбежюр аьлакьйир а. Саспидари дугъу чан бай гъакlну кlури, лап чlуру инсанарикан вуди гьисаб апlура, хъа тмундарисана думу гьюкумат яркьу ва гужал апlуз гъахьи лап заан инсанарикан...


Кьюб гъулан имам

Ахьитl ва Жвулли гъулан имамдихъди интервью   Ассаламу аьлайкум, аьзиз ватанагьлийир! Магьа нубатнаан ражари ихь имамарикан вуйи мялумат туврахьа. Гъийин ихь интервью туврайи имамдин чан хусусивалар а. Дурарикан саб - думу кьюб гъулан имам вуйивал.   Ав, му касди Аллагьу Тааьла бадали...


Бисми дапIну, абин кIулихъ ясин урх

Гьюрматлу ватандашар, гьаму шиърар Табасаран райондин ТинитI гъулан вакил Зейнудин Фятягьовди гъидикIдар ву. Шиърарин цIарариъ улихьдин чIалнан девлет ва багьалувал, инсандин ислам диндихьна вуйи рафтар улупура.   Фятягьов Зейнудин Аьбдулфятягьович 1930-пи йисан 30-пи майди Табасаран...


Закат уль-фитIр (ушварин сэъ)

Рамазандин вазли ушварин кьяляхъ тувру закат аьлимари инсандин жандилан вуйи закат ву, кIура. Ухьу зиихъ гъапиганси, «закат» кIуру гафнан мяна «марцц апIувал» ву.   Фици закатди ариш-веришдилан эйсийин даруб гъядябгъюри, думу марцц апIуруш, ари гьаци ушварин кьяляхъра закатди инсандин беден марцц...


Пайгъамбари ﷺ швнуб сяаьтна нивкl апlури гъахьну?

Мусурман кас чав апlурайи вари ляхнариъ Пайгъамбарин ﷺ суннайихъди гъягъюз чалишмиш шулу, саб ибадатнаъси, дюн`яйин имбу ляхнариъра, мисалназ, уьл ипlруган, палат алабхьруган, сефериъ учlвруган, ляхниъ ва гь.ж.   Гьаму ляхнариъ Пайгъамбарин ﷺ суннайихъди гъягъюри, инсанди Аллагьу Тааьлайин...