Табасаран ва Хив районариъ серенжемар

Табасаран ва Хив районариъ серенжемар

Наврузбег эфендийин ччвурнахъ волейболин турнир

7-пи апреди Табасаран райондин халагъ гъулаъ Наврузбег-эфенди аль-Халагъийин ччвурнахъ тешкил дапIнайи волейболин тернир кIули гъубшну. Му турини заан табасарандин гъуларин имамари Муфтиятдин отдел просвещениейихъди сатIиди тешкил дапIнайиб вуйи. Турнириъ 8 команда иштирак гъахьну. Му турнириъ сабпи йишв Жвул’арин командайи гъибисну, кьюбпи йишв Сикхъарин. Хъа шубубпи йишв – Бугьнагъ командайи. Гъалиб гъахьидар тебрик апIуз дуфнайи: райондин имам Ансар Рамазанов, Халагъ советдин глава Замир Агъабеков, райондин администрацияйин спортдин ва туризмдин начальник Низами Агъаризаев. Халагъ гъулан имам Марат Рашидовди варидариз чухсагъул гъапну ва гележегдиъра му касдин ччвурнахъ мицдар туврнинар кIули гъахьидихьа кIури тасдикь гъапIну.

Хив райондиъ мажлисар

Хив райондин Хив гъулаъ аьхю маджлис кIули гъубшну. Думу серенжемдиъ Хив райондин имам Шябан Салихов, райондин глава Ярмет Ярметов, ЮТО-йин дяъват отделин руководитель Мурад Ибрагьимов, Агъул райондин имам Аьгьмад Гарунов ва гьацира жара имамар иштирак гъахьну. Гьарсари чан улхбаъ инсанари дапIну ккуни ужудар ляхнарикан, гирами рамазандин вазликан ктибтну. Улхбарин арайиъ «Хайрат» кIуру бицIидарин дестейи мавлидар-нашидар гъурхну. ДумутIанна гъайри Хрижв, Зилдикк, ГъуштIил, Ляхла гъулариъ мажлисар кIули гъушну. Гъит Аллагьу Тааьлайи ухьуз му мажлисарикан мянфяаьт ктабгъуз кюмек туври. Амин

2026-03-01 (Рамазан 1447 г.) №3.


Кьюб гъулан имам

Ахьитl ва Жвулли гъулан имамдихъди интервью   Ассаламу аьлайкум, аьзиз ватанагьлийир! Магьа нубатнаан ражари ихь имамарикан вуйи мялумат туврахьа. Гъийин ихь интервью туврайи имамдин чан хусусивалар а. Дурарикан саб - думу кьюб гъулан имам вуйивал.   Ав, му касди Аллагьу Тааьла бадали...


Гъудгнин жикlувал батlил дубхьнайи касди апlуз хай даршлу ляхнар

Эгер сар касдин ухьу зиихъ ктуху ляхнарикан сабкьан арайиз гъафиш, дугъан гъудгнин жикlувал батlил шулу. Гъудгнин дижикlну адру касдиз исихъ улупнайи ляхнар апlуб гунагь шула:   Гъудган апlуб. Кьур’ан урхбан сужда (Суждату Ттилават) ва шукур апlбан сужда апIуб. Кябайилан илдицуб...


«Ас-салатуль-Ибрагьимия»

Сабпи (дидин кьяляхъ салам адру) «ат-Тагьиятдиъ» салават урхруган, Пайгъамбарин ﷺ асгьябариина, яна тухмариина салават урхурдар.   Хъа «ат-Тагьиятдин» кьяляхъ салам тувруган, Пайгъамбарин ﷺ тухумдиинара салават урхуб суннат ву, хъасин «ассалатуль...


Бисми дапIну, абин кIулихъ ясин урх

Гьюрматлу ватандашар, гьаму шиърар Табасаран райондин ТинитI гъулан вакил Зейнудин Фятягьовди гъидикIдар ву. Шиърарин цIарариъ улихьдин чIалнан девлет ва багьалувал, инсандин ислам диндихьна вуйи рафтар улупура.   Фятягьов Зейнудин Аьбдулфятягьович 1930-пи йисан 30-пи майди Табасаран...


Закат уль-фитIр (ушварин сэъ)

Рамазандин вазли ушварин кьяляхъ тувру закат аьлимари инсандин жандилан вуйи закат ву, кIура. Ухьу зиихъ гъапиганси, «закат» кIуру гафнан мяна «марцц апIувал» ву.   Фици закатди ариш-веришдилан эйсийин даруб гъядябгъюри, думу марцц апIуруш, ари гьаци ушварин кьяляхъра закатди инсандин беден марцц...