РД-йин Муфтий, шейх Аьгьмад афандийи машкврахъди тебрик апIура!

РД-йин Муфтий, шейх Аьгьмад афандийи машкврахъди тебрик апIура!

«Ассаламу алайкум ва рагьматуллагьи ва баракатугь, гьюрматлу гъардшар ва чйир!

Учву вари улубкьнайи гирами Ид аль-Адха (гъурбан) машкврахъди кIваантIан тебрик апIураза.

 

Му аьхю машкврахъди сабси гьяждиз душнайидарин апIру фарзар ва имбу гьяждихъди аьлакьалу ляхнар тамам дапIну ккудукIуру. Гьамдихъди сабси му машквар ихь терефнаан Аллагьу Тааьлайиз артухъди гьямд апIуз, ибадат апIуз хъанара артухъ мумкинвалар туврайиб ву. Му гирами йигъари ухькан гьарсар ужувлан ляхнарихьна, Аллагьу Тааьлайин разивалихьна артухъдиси чалишмиш духьну ккунду.

Гирами Каламдиъ дупна (мяна): «Учву учвуз ккунибдикан Аллагьу Тааьлайин рякъюъ харж дарапIдикьан гагьди, Дугъан разивал хьибдарчвуз. Учву фукьан харж гъапIнуш, Аллагьу Тааьлайиз аьгъя (саваб тувди варибдихъан)» (сура «Алю Имран», аят 92).

Гьямд ибшри Аллагьу Тааьлайиз, магьа гьаму йисанра миллионариинди мусурмнар Мекка ва Медина шагьрариз гъушну. Дурари чпиин али Ислам диндин мурхьларикан саб тамам гъапIну. Гъит Аллагьу Тааьлайи дурари гъапIу ибадат, гьяж, гъубкку гъурбан заан дережайиинди кьабул апIри! Амин!

Аьдат вуйиганси, му гирами машквар йигъари касибариз, мискинариз, факьирариз кюмек апIури, саб хайлин акцйир апIури шулу. Гъит Аллагьу Тааьлайи гьарсар касдин гъапIу ужувлан ляхнар кьабул апIри, туву садакьара кьабул апIри!

Аллагьу Тааьлайикан ихь аьзарлуйириз сагъвал тувуб, читин гьялнаъ айидариз сабур тувуб ва ухьуз варидариз ибадат апIуз тавфикьвал тувуб ккун апIураза.

Гьарсаб хизандиъ ужувлар-бахтар, хъуркьувалар ишри, гележег акуб ибшри.

Хъанара учву вари му гирами машкврахъди тебрик апIураза. Ид мубарак!»

 

 

2026-03-01 (Рамазан 1447 г.) №3.


Вакьф фу-вуш ва дидин шартIарикан жикъиди

Ассаламу аьлейкум, гьюрматлу ватанагьлийир! Узуз гьаму бицIи макьалайиъ вакьф фу-вуш ва, думу тамам хьпан бадали, фицдар шартIар аш, гьадрарикан ктибтуз ккундузуз. Ихь мусурман гъардшарин ва чйирин вакьфдихъди аьлакьалу гизаф суалар шулу. ИншаАллагь, гьаму макьалайиъ ухьу жикъиди дидкан хабар...


Инсанарин чIуруваларихьан уьрхру 4 дюаь

Ухькан саспидариз, белки, алахьнушул сар шликIа ухьуз зарар шлу ляхнар апIру дюшюшар. Уьмрин тажруба айи ва Аллагьу Тааьлайихъ кIваантIан хъугънайи касдиз ухьухъди шулайиб вари анжагъ Сар Аллагьдихьан ﷻ вуйибдиин инанмиш ву, гьаддиз дицир кас, инсанарихьан вуйи писвалихьан уьрхя, кIури, Аллагьу...


Бисми дапIну, абин кIулихъ ясин урх

Гьюрматлу ватандашар, гьаму шиърар Табасаран райондин ТинитI гъулан вакил Зейнудин Фятягьовди гъидикIдар ву. Шиърарин цIарариъ улихьдин чIалнан девлет ва багьалувал, инсандин ислам диндихьна вуйи рафтар улупура.   Фятягьов Зейнудин Аьбдулфятягьович 1930-пи йисан 30-пи майди Табасаран...


Закат уль-фитIр (ушварин сэъ)

Рамазандин вазли ушварин кьяляхъ тувру закат аьлимари инсандин жандилан вуйи закат ву, кIура. Ухьу зиихъ гъапиганси, «закат» кIуру гафнан мяна «марцц апIувал» ву.   Фици закатди ариш-веришдилан эйсийин даруб гъядябгъюри, думу марцц апIуруш, ари гьаци ушварин кьяляхъра закатди инсандин беден марцц...


Эй сабвал, сабвал! Набшдикlан уву?

Рамазандин ваз улубкьну! Гьар ражари Рамазандин ваз улубкьруган, арайиъ адру «аьлимарра» ачмиш шулу. Гьарсар блогериканра «аьлим» шула. Миди фу кIура?   Гьаму ляхни диндин аьгъювалар адрудариз чни заанди рякъюрайивал улупура. Рамазандин гирами ваз улубкьруган,...