Гъудгник кайи вахтна Кьур’ан урхбан суждайин къайда

Гъудгник кайи вахтна Кьур’ан урхбан суждайин къайда

Гъудгник Кьур’ан урхбан сужда апIуз кIурайи касди, саб ниятра адарди, «Аллагьу акбар» дупну, суждайиз гъягъюру, амма хилар за апIурдар.

 

Хъапсин улихь гъапиганси, саб сужда дапIну, хилар за дарапIди «Аллагьу акбар» дупну за шулу. Сужда апIбан кьяляхъ гъудгниъ за шулайиганси, думу за хьиди.  Ва хъасин рукуъдиз гъягъиди, эгер гьаддиинди сура ккудубкIураш. Хъа суждайихъан рукуъдиз гъяйиз сабсана аят урхуб ужу ву.

Мистаъ учIву касдиз, сужда дапIну ккуни Кьур’андин аятар урхури деебхьну, гьамус сабан сужда апIурин, дарш мист гирами апIбан суннат апIурин кIури, кьюб кIваан гъахьиш, дугъу сабпи нубатнаан сужда апIуру, хъасин - мист гирами апIбан суннат. Сабпиб вуди сужда гъапIну кIури, мист гирами апIбан суннат алдабхъурадар ва гьацира мист гирами апIбан суннатдиинди суждара алдабхъурадар. Гьамци дупна «Гьяшияту аль-Жамаль» китабдиъ.

2026-03-01 (Рамазан 1447 г.) №3.


Суал-жаваб

- Ич гъулан имамди улихь йисанра, гьаму йисанра Рамазандин ваз ккебгъруган ва ккудубкlруган, чаз ккуниси гьюкум адабгъура. Магьа гьаму йисанра ушвин ваз сад йигъ улихьна ккебгъну, ва гьаддиан ич жямяаьт гьамусяаьт кьюб тереф духьна. Гьаму дюшюшдиъ аьдати инсанари фу дапlну ккун? - Гьяйифки, саспи...


Инсанарин чIуруваларихьан уьрхру 4 дюаь

Ухькан саспидариз, белки, алахьнушул сар шликIа ухьуз зарар шлу ляхнар апIру дюшюшар. Уьмрин тажруба айи ва Аллагьу Тааьлайихъ кIваантIан хъугънайи касдиз ухьухъди шулайиб вари анжагъ Сар Аллагьдихьан ﷻ вуйибдиин инанмиш ву, гьаддиз дицир кас, инсанарихьан вуйи писвалихьан уьрхя, кIури, Аллагьу...


Бисми дапIну, абин кIулихъ ясин урх

Гьюрматлу ватандашар, гьаму шиърар Табасаран райондин ТинитI гъулан вакил Зейнудин Фятягьовди гъидикIдар ву. Шиърарин цIарариъ улихьдин чIалнан девлет ва багьалувал, инсандин ислам диндихьна вуйи рафтар улупура.   Фятягьов Зейнудин Аьбдулфятягьович 1930-пи йисан 30-пи майди Табасаран...


Иван Грозный ва гирами Кьур’ан

Иван Грозныйи гирами Кьур’андиинди ху апlуз гьаз гъитри гъахьну? Тарихчйирин Иван Грозныйдихьна (1530-1584) жюрбежюр аьлакьйир а. Саспидари дугъу чан бай гъакlну кlури, лап чlуру инсанарикан вуди гьисаб апlура, хъа тмундарисана думу гьюкумат яркьу ва гужал апlуз гъахьи лап заан инсанарикан...


Кьюб гъулан имам

Ахьитl ва Жвулли гъулан имамдихъди интервью   Ассаламу аьлайкум, аьзиз ватанагьлийир! Магьа нубатнаан ражари ихь имамарикан вуйи мялумат туврахьа. Гъийин ихь интервью туврайи имамдин чан хусусивалар а. Дурарикан саб - думу кьюб гъулан имам вуйивал.   Ав, му касди Аллагьу Тааьла бадали...