Гирами Кьур’андикан 25 аьламат
Аллагьу Тааьлайин гирами Кьур’ан жилиин варитlан гизаф урхру китаб ву. Душваъ сарихьанра инкар апlуз даршлу ляхнарикан улупна. Му Калам аьламатнануб ву. Исихъ гирами Кьур’андиан вуйи 25 аьламатнан дюшюшарикан ктибтидихьа.
- Гирами Кьур’андиъ швнуб кlул а?
– 30.
- Гирами Кьур’андиъ швнуб сура а?
– 114 сура.
- Меккайиъ айиган швнуб сура гьаъну?
– 85.
- Мединайиъ айиган швнуб сура гьаъну?
– 29.
- Гирами Кьур’андиъ швнуб аят а?
–6236 аят.
- Гирами Кьур’андиъ швнуб гаф а?
– 77439.
- Гирами Кьур’андиъ швнуб гьярф а?
– 323015.
- Гирами Кьур’андиъ гьярфарин зиин али нукьтIйир швнуб а?
– 1025030.
- Варитlан бицlи сура фунуб ву?
– Сура «аль-Кавсар», душваъ шубуб аят а.
- Варитlан ярхи сура фунуб ву?
– Сура «аль-Бакьара».
- Варитlан ярхи аят фунуб ву?
–«аль-Бакьара» сурайин 282-й аят.
- Варитlан ярхи гаф фунуб ву?
– Анулзимукумагьа (сура «Гьуд», аят 28).
- Пайгъамбарихьна гьапIу сабпи сура фунуб ву?
– Сура «аль-Аьлякь».
- Кьур’андиъ варитlан заанди дебккнайи сура фунуб ву?
– Сура «аль-Фатигья».
- Кьур’андиъ варидарин кlул вуди фуну сура улупна?
– Сура «аль-Бакьара».
- Фуну сура гъурхган, гьацl Кьур’ан гъурхгансиб саваб шулу?
– Сура «аль-Залзалат».
- Фуну сура гъурхган, Кьур’андин шубуб пайнакн саб гъурхгансиб саваб шулу?
– Сура «аль-Ихляс».
- Фуну аят варитlан багьалу вуйиб ва заанди дерккнайиб ву?
– Аят «аль-Курси» – «аль-Бакьара» сурайин 255-пи аят.
- Фуну сурайи инсан Дажжалин фитнайихьан уьрхюру?
– Сура «аль-Кагьф».
- Фуну сура гъурхган, дидхьан жинар гьергру?
– Сура «аль-Бакьара».
- Фуну сура ккудубкlура кьюр пайгъамбарин ччвурариинди?
– Сура «аль-Аъля».
- Артухъси Кьур’андиъ фу текрар шула?
– Аллагьдин ччвур – 2640 раз.
- Фунуб сурайиъ Аллагьдин ччвур гьарсаб аятдиъ кlваин апlура?
– Сура «аль-Мужадалат».
- Фицдар гирами китабарикан кlваин дапlна гирами Кьур’андиъ?
– Таврат, Забур, Инжил ва гьацира Ибрагьим ва Муса пайгъамбрарин сугьюфар..
- Фуну пайгъамбрарин ччвурар кlваин дапlна гирами Каламдиъ?
– 1) Адам; 2) Идрис; 3) Нугь; 4) Гьуд; 5) Салигь; 6) Лут; 7) Ибрагьим; 8) Исмаил; 9) Исгьякь; 10) Якьуб; 11) Юсуф; 12) Шуаьйб; 13) Гьарун; 14) Муса; 15) Давуд; 16) Сулейман; 17) Аюб; 18) Зулькифль; 19) Юнус; 20) Ильяс; 21) Альяса; 22) Закарийя; 23) Яхья; 24) Иса; 25) Мугьяммад
