Пайгъамбар ﷺ рякъюз себеб шлу дюаь

Пайгъамбар ﷺ рякъюз себеб шлу дюаь

Суал: Пайгъамбар ﷺ нивкIукди рякъюз гизаф юкIв хъайиз. Думу рякъбан бадали, узу фу дапIну ккунду?

 

Жаваб: Узу Аллагьу Тааьлайикан узузра, увузра ва гьацира думу рякъюз ккунидаризра варидариз Пайгъамбар ﷺ улупуб ккун апIураза. Аьгъю апIинайки, Пайгъамбар ﷺ рякъбан бадали кьюб себебнан рякъ улупна:

Сабпи себебнакан кIуруш, Пайгъамбарин ﷺ рякъ ижмиди дибисну, дугъу апIури гъахьи ляхнар текрар апIуз ва дугъу кIурубдихъди гъягъюз чалишмиш духьну ккунду, иллагьки хасиятнан гьякьнаан;

Кьюбпи себеб – шлукьан гизаф салаватар урхну ккунду, иллагьки нивкIуз гъягъру вахтна, ва дюъйир апIуру, гьадму гьисабнаан нивкIуз гъягъругандин дюаьра урхуру.

 

Гьадму дюъйирихъди исихъ улупнайи дюаьра урхуб ужи ву:

 

اللهم متعني برؤية حبيبِك الأعظم سيدنا محمد صلى الله عليه وسلم حالاً ومآلاً.

«Аллагьумма маттиъни бируъяти гьябибикаль-аъзам саййидина Мугьяммад, салляллагьу аьляйгьи васаллям, гьялян вамалян».

 

«Я Аллагь, узуз Яв варитIан ккуни лукI Мугьяммад пайгъамбар гьаму дюн’яйиъ рякъюз мумкинвал тува ва ахиратдиъра».

 

Расул Шейхов

2026-05-01 (Зуль Къаида 1447 г.) №5.


Пайгъамбари ﷺ улупу рякъ

Бургьанкент гъулан имам Рамазан Шихбабаевдихъди вуйи интервью   Ихь жигьил имамарикан ва дурари гъабхурайи диндин ляхнарикан мялумат тувуб давам апlурахьа. Улихь нумрариъ ухьу гъапиганси, жигьилари чпин уьмрин рякъ диндихъди аьлакьалу апlувал заан ляхнарикан ву, ва гьарсар кас дурариз...


Жигьилар улихь гьауз буржи вухьа

Дюньяйиъ вари гьюкуматарин жигьиларин сабвал хьпан бадали, «День молодежи» кlуру йигъ тасдикь дапlна. Думу йигъ 24-пи апрели къайд апlуру.   Мициб йигъ тасдикь апlбан метлебра жигьилариз асас фикир тувуб ву. Аьхиримжи йисари, жара йишвариъси, ухьухьра Табасаран жигьиларихъди...


Сабур дапlну ккуни 4 дюшюш

Сабур апlуз аьгъювал инсандин хасиятнан лишнарикан варитlан уткан лишан ву. Читин гьялнаъ ахъу касдиз саб къайдайиз гъяйиз, юкlв гъюдли хьайиз саб кьадар вахт лазим ву. Му дюшюшдиъ сабур апlувал ихь имандихъди аьлакьалу ву.   Абу Гьурайрайихьан вуйи гьядисдиъ Пайгъамбари ﷺ, муъмин касдин...


Гьяждин вахт улубкьна

Гьяж апIувал ибадатарикан варитIан кьиматлуб ву, гьаз гъапиш думу жандкиинди ва дакьатариинди апIурайиб ву.   Пайгъамбари ﷺ дупна:   "مَنْ حَجَّ فَلَم يَرْفُثْ, وَلَمْ يَفْسُقْ رَجَعَ كَيَوْمِ وَلَدَتْهُ أُمُّهُ" Мяна: «Фуну касдира гьяж гъапIиш, эгер думу вахтна дишагьлийихъди сатIи...


Суал-жаваб

- Йиз дустран хизан ккебгъну сад йистlан дар. Дугъан хпирин абйир-бабари, чпин шуран бабкан гъахьи йигъ мубарак апIури, дугъаз машин хъапlуз мумкинвал тувру правйир тувну. Абйир-бабар гъушган, хпири чан жилирикан машин гъадабгъуб тlалаб апlуз хъюгъну. Жилири, яв машиндиъ мюгьтаж’вал адарав...