Муфтийи тебрик апlура!

Муфтийи тебрик апlура!

Ассаламу аьлайкум ва рагьматуллагьи ва баракатугь.

Гьюрматлу чвйир ва чйир!

Учву вари улубкьурайи гирами Гъурбан машкврахъди кlваантlан тебрик апlураза.

 

Му гирами йигъан ухьуз Ибрагьим пайгъамбарин Аллагьу Тааьлайихьна ади гъабхьи мютlюгъваликан мялум гъабхьну. Аллагьу Тааьлайин разивал бадали Дугъан буйругъниинди Ибрагьим пайгъамбари чаз айи варитlан багьалу кас гъурбан апlуз чан гьязурвал улупнийи.

Му юкlвар чlурубдихьан марцц апlуз, ислягьвализ багахь хьуз, сабвалихъна гъюз себеб шлу машквар ву. Му гирами йигъари жвуван багахьлуйириз, мирасариз аьхю фикир тувну ккунду.

Гьаму йисан гьяждиз гъушу ксарихъанра ухьу рази вухьа. Гъит Аллагьу Тааьлайи дурарин гьяж кьабул апlри, гунгьарин аьфв апlри ва сагъ-саламатди кьяляхъ гъюру агьларикан ишри.

Му гирами йигъари СВО-йиъ айи баяр сагъ-саламатди чпин хизанарихьна гъюбан бадали, дурарихъан дюаь апlурахьа.

Гъит му машкврахъди гьарсаб хизандиъ шадвал, бахт ибшри, кlваъ иман ибшри.

Гъит Аллагьу Тааьлайи ухьу гъуркку гъурбнар кьабул апlри, гъапlу дюъйир, ибадатра кьабул апlри, аьзарлуйириз сагъвал туври, читин гьялнаъ айидариз рягьятвал туври.

 

Дагъустандин муфтий шейх Аьгьмад Афанди Аьбдулаев

 

2026-07-01 (Мугьяррам 1448 г.) №7.


Жаназа гъудган шли дапlну ккуниб ву?

Жаназа гъудган мусурмнарин жямяаьтдиин али фарз ву (фарз аль-кифая). Гьаддиз, эгер жямяаьтдин арайиан сар касдикьан жаназа-гъудган алапlиш, имбударилан фарз алдабхъура ва дурариз гунагьра шулдар. Хъа сарикьан думу ляхин дарапlиш, вари жямяаьт гунагьнаъ шулу.   Жаназа-гъудган сар касди апlуб...


Табасаран жямяаьт гьяждиъ

Ассаламу аьлайкум, аьзиз халкь. Аьхиримжи йисари гирами жилариина гьяждиз гъягъру табасаран дестйирра духьна. Душваз анжагъ ихь табасаранлуйир дахил шула ва саб хизанси чпин фарз тамам дапну гъюри шулу.   Магьа гьаму йисанра, му дестейиъ 48 кас ади, табасаранлуйир гирами жилариина гъушну. Майдин...


Гирами Кьур’андиан вуйи насигьятар

Гирами Кьур’ан инсаниятдин аьхиризкьан варидариз насигьят вуди дебккнайиб ву. Аллагьу Тааьлайин душваъ дупнайи гафарихъди гъягъюри гъахьиш, инсандиз му жилиинра, аьхиратдиъра аьхю ужувлар шул. Магьа ичв фикриз гирами Кьур’андин «Гьюжурат» сурайиан вуйи насигьятар туврача....


Ничlрас гъулаъ цlийи имам

Табасаран райондин варитlан ачухъди ккабалгнайи гъуларикан саб Ничlрас гъул ву. Му гъул жямяаьтдин арайиъ аьхюдарихьна гьюрмат ади, бицlидарихьна рягьимлувал ади янашмиш шулайиб ву.   Рягьматлу Хайирбег халу му гъулаъ имамди вуйи вахтна дарсариз гизаф бицlидар гъюри шуйи. Гъул-жямяаьтдин...


Иблис инсанарин варитIан аьхю душман ву

Ухьу гьякь рякълан алдаъбан бадали иблисди гизаф зегьмет зигуру. Гъийин заманайиъ саспи инсанари чиб-чпихъди аьлакьйир пуч апIуру, чиб-чпи душмнарси дисуру, амма дурариз гьякьикьатдиъ чпин душман фуж-вуш аьгъдар.   Аллагьу Тааьлайи Чан гирами Кьур’андиъ дупна (мяна): «Дугъриданна...