Дагъустандин Муфтийи тебрик апlура

Дагъустандин Муфтийи тебрик апlура

Ассаламу аьлайкум ва рагьматуллагьи ва баракатугь!

Гьюрматлу гъардшар ва чйир! Гьюрматлу ватанагьлийир!

 

Кlваъ аьхю шадвал ади учву вари улубкьурайи гирами Рамазандин вазлихъди - гирами Каламдин, ушв бисбан, рягьимлувалин ва аьфв апlру вазлихъди - тебрик апlураза. Му Аллагьу Тааьлайи Чан лукlариз туву хусуси пешкеш ву. Му ваз юкlв писваларихьан марцц апlру, кlваантlан туба апlру, иман - ижми, хасиятра уткан апlру ваз ву.

Гъит му Рамазандин ваз ухьу мясляаьтнахьна хруб, жвуван гъвалахъ хъайидариз рягьимлувалин кюмек тувруб, йитимар-мискинарин гъуллугъар тамам апlруб ибшри.

Му гирами вазли хусуси мяна айи дявдин операцияйиъ айидар сагъ-саламатди кьяляхъ гъюб Аллагьу Тааьлайикан хусуси дюаьйиинди ккун апlурухьа. Гъит дурариз сагъвал туври, гъабхурайи гъуллугънаъ ужувлан натижа ибшри, вари чlурубдихьан уьрхри ва дурарин хизанаризра сабур туври.

Гъит му Рамазандин вазлин берекет гьарсаб хизандихьна рубкьри, гъит ихь юкlвар имандин нурихъди, хъа жил ислягьвалихъди абцlри. Гъит Аллагьу Тааьлайи ихь ушвар, ибадат ва вари ужувлан ляхнар кьабул апlри! Амин!

 

Дагъустандин муфтий шейх Аьгьмад Афанди

2026-03-01 (Рамазан 1447 г.) №3.


Бисми дапIну, абин кIулихъ ясин урх

Гьюрматлу ватандашар, гьаму шиърар Табасаран райондин ТинитI гъулан вакил Зейнудин Фятягьовди гъидикIдар ву. Шиърарин цIарариъ улихьдин чIалнан девлет ва багьалувал, инсандин ислам диндихьна вуйи рафтар улупура.   Фятягьов Зейнудин Аьбдулфятягьович 1930-пи йисан 30-пи майди Табасаран...


Эй сабвал, сабвал! Набшдикlан уву?

Рамазандин ваз улубкьну! Гьар ражари Рамазандин ваз улубкьруган, арайиъ адру «аьлимарра» ачмиш шулу. Гьарсар блогериканра «аьлим» шула. Миди фу кIура?   Гьаму ляхни диндин аьгъювалар адрудариз чни заанди рякъюрайивал улупура. Рамазандин гирами ваз улубкьруган,...


Пайгъамбари ﷺ швнуб сяаьтна нивкl апlури гъахьну?

Мусурман кас чав апlурайи вари ляхнариъ Пайгъамбарин ﷺ суннайихъди гъягъюз чалишмиш шулу, саб ибадатнаъси, дюн`яйин имбу ляхнариъра, мисалназ, уьл ипlруган, палат алабхьруган, сефериъ учlвруган, ляхниъ ва гь.ж.   Гьаму ляхнариъ Пайгъамбарин ﷺ суннайихъди гъягъюри, инсанди Аллагьу Тааьлайин...


Гъудгнин жикlувал батlил дубхьнайи касди апlуз хай даршлу ляхнар

Эгер сар касдин ухьу зиихъ ктуху ляхнарикан сабкьан арайиз гъафиш, дугъан гъудгнин жикlувал батlил шулу. Гъудгнин дижикlну адру касдиз исихъ улупнайи ляхнар апlуб гунагь шула:   Гъудган апlуб. Кьур’ан урхбан сужда (Суждату Ттилават) ва шукур апlбан сужда апIуб. Кябайилан илдицуб...


«Ас-салатуль-Ибрагьимия»

Сабпи (дидин кьяляхъ салам адру) «ат-Тагьиятдиъ» салават урхруган, Пайгъамбарин ﷺ асгьябариина, яна тухмариина салават урхурдар.   Хъа «ат-Тагьиятдин» кьяляхъ салам тувруган, Пайгъамбарин ﷺ тухумдиинара салават урхуб суннат ву, хъасин «ассалатуль...