Дишагьлийириз серенжем

18-пи авгъустдиъ Хив райондин Хив гъулаъ анжагъ дишагьлийириз вуйи мажлис кlули гъубшну.

Му серенжемдиъ Хив райондин имам Шябан Салиховди уч духьнайидариз, Ислам диндиъ дишагьлийиз фициб ужуб кьимат тувраш, дурар фициб заан дережайиъди дерккнаш, яркьуди ктибтну. Мушваъ гьацира диндихъди, дишагьлийирихъди, эвлемиш хьпахъди аьлакьалу жара месэлйириканра гъулхнийи.

Мажлиснаъ Хив райондин жюрбежюр гъулариан дишагьлийир иштирак гъахьнийи, дурарикан гизафдари, чпиз аьгъдруб гьерхри, жвуван аьгъювалар яркьу ва дерин гъапlнийи.

Мицдар мажлисарикан халкьдиз аьхю мянфяаьт а. Эгер гьарсаб гъулаъ, райондиъ кми-кмиди мицдар мажлисар гъахури гъахьиш, дидкан ухьузра, ихь гъюрайи насларизра аьхю мянфяаьт шул. Гьаз гъапиш веледариз тербия тувуб гъи дишагьлийириин алабхъна, фицики жилар гьарган я ляхниъ, ясана язиъ ади шулу. Гьаддиз веледариз тербия тувбан гизаф ляхнар дишагьлийин диндин аьгъюваларилан асиллу ву.

Гъит Аллагьу Тааьлайи ихь дишагьлийириз хъанара ужиди диндин аьгъювалар гъадагъуз ва гьадму аьгъю гъапlубдихъди чпира гъягъюз кюмек туври. Мицдар мажлисарра йигълан-йигъаз артухъ шул кlури, умуд кивдихьа.

2026-03-01 (Рамазан 1447 г.) №3.

Иван Грозныйи гирами Кьур’андиинди ху апlуз гьаз гъитри гъахьну? Тарихчйирин Иван Грозныйдихьна (1530-1584) жюрбежюр аьлакьйир а. Саспидари дугъу чан бай гъакlну кlури, лап чlуру инсанарикан вуди гьисаб апlура, хъа тмундарисана думу гьюкумат яркьу ва гужал апlуз гъахьи лап заан инсанарикан...

- Ич гъулан имамди улихь йисанра, гьаму йисанра Рамазандин ваз ккебгъруган ва ккудубкlруган, чаз ккуниси гьюкум адабгъура. Магьа гьаму йисанра ушвин ваз сад йигъ улихьна ккебгъну, ва гьаддиан ич жямяаьт гьамусяаьт кьюб тереф духьна. Гьаму дюшюшдиъ аьдати инсанари фу дапlну ккун? - Гьяйифки, саспи...

Ахьитl ва Жвулли гъулан имамдихъди интервью Ассаламу аьлайкум, аьзиз ватанагьлийир! Магьа нубатнаан ражари ихь имамарикан вуйи мялумат туврахьа. Гъийин ихь интервью туврайи имамдин чан хусусивалар а. Дурарикан саб - думу кьюб гъулан имам вуйивал. Ав, му касди Аллагьу Тааьла бадали...

Гьюрматлу ватандашар, гьаму шиърар Табасаран райондин ТинитI гъулан вакил Зейнудин Фятягьовди гъидикIдар ву. Шиърарин цIарариъ улихьдин чIалнан девлет ва багьалувал, инсандин ислам диндихьна вуйи рафтар улупура. Фятягьов Зейнудин Аьбдулфятягьович 1930-пи йисан 30-пи майди Табасаран...

Рамазандин вазли ушварин кьяляхъ тувру закат аьлимари инсандин жандилан вуйи закат ву, кIура. Ухьу зиихъ гъапиганси, «закат» кIуру гафнан мяна «марцц апIувал» ву. Фици закатди ариш-веришдилан эйсийин даруб гъядябгъюри, думу марцц апIуруш, ари гьаци ушварин кьяляхъра закатди инсандин беден марцц...

Дишагьлийириз серенжем