Мукьадар гьядисар дугъаз фици кlваинди гъузнийкlан?
Мукьадар гьядисар дугъаз фици кlваинди гъузнийкlан?
Абу Гьюрайра Пайгъамбарин ﷺ ляхнарикан, гафарикан артухъди хабар туву асгьябарикан ву. Думу касдин му кьадар гьядисар фици кlваинди гъузнийкlан? Му ляхникан дугъу чав ктибтура.
Дупну ккундуки, читинвализ, гаш’вализ дилигди, Ислам дин ахтармиш апlури, Пайгъамбарин ﷺ мажлисариъ иштирак шули, думу кас гьарган илимдиин илчIихну гъахьну. Саб ражари Абу Гьюрайрайи гъапну: «Инсанари Абу Гьюрайрайи гизаф гьядисар хътаъну кlура, амма эгер кьюб аят гирами Каламдиан дайиш, узхьан саб гьядисра хътапlуз хьибдайи». Хъасин дугъу гьаму аятар гъурхну:
إِنَّ الَّذِينَ يَكْتُمُونَ مَا أَنْزَلْنَا مِنَ الْبَيِّنَاتِ وَالْهُدَى مِنْ بَعْدِ مَا بَيَّنَّاهُ لِلنَّاسِ فِي الْكِتَابِ أُولَئِكَ يَلْعَنُهُمُ اللَّهُ وَيَلْعَنُهُمُ اللَّاعِنُونَ * إِلَّا الَّذِينَ تَابُوا وَأَصْلَحُوا وَاعْتَصَمُوا بِاللَّهِ وَأَخْلَصُوا دِينَهُمْ لِلَّهِ فَأُولَئِكَ مَعَ الْمُؤْمِنِينَ وَسَوْفَ يُؤْتِ اللَّهُ الْمُؤْمِنِينَ أَجْرًا عَظِيمًا
Мяна: «Дугъриданна, Ухьу ачухъди ва якьинди тувнайи аьламатар жин апlру касариин, (дидкан Ухьу Китаб агьларизра мялумат тувунхьа), Аллагьу Тааьлайи нянят алапlур, анжагъ туба дапlну, гьякьваликан ктибтуз хъюгъдар ктарди. Узу дицдарин туба кьабул апlурза, дугъриданна Узу туба кьабул апlрур, Рягьимлур вуза…» (159-пи аят «аль-Бакьара» сурайин, 146-пи аят «ан-Ниса’ сурайин».
Дидин кьяляхъ гъапну: «Дугъриданна, ихь мугьяжирарикан вуйи гъардшар ариш-веришдихъ вуйи, ансарарикан вуйи гъардшар чпин ляхнарихъ вуйи, хъа Абу Гьурайра чаз тувнайибдиин рази духьну Пайгъамбарин ﷺ рякъюъ вуйи, дурар адру йишваъ думу шуйи, дурариз аьгъдруб, дугъаз аьгъю шуйи».
عن أبي هريرةَ قال: قلتُ يا رسول اللهِ، إنِّي أسمعُ منكَ حديثاً كثيراً أنساه. قال: ابسطْ رداءَكِ. فبسطته. قال: فغَرَفَ بِيدَيهِ ثمَّ قال: ضُمَّهُ، فما نَسِيتُ شيئاً بعده.
Имам Бухарийихьан вуйи гьядисдиъ Абу Гьурайрайи гъапну: «Саб ражари Пайгъамбариз ﷺ гъапунза: "Я Пайгъамбар ﷺ, дугъриданна, узуз увкан гизаф ебхьури шулзуз, амма гьархри шулзуз!" Думуган Пайгъамбари ﷺ гъапи: "Ачмиш апlин яв хъабхьруб", узу ачмиш гъапlза».
Абу Гьурайрайи давам апlура: «Дугъу чан хиларихъди гьаци гъапlнуки, гьадму хилар фтихъдикlа ацlрайганси ва хъасин йиз хъабхьрубдиъ фу-вуш ипганси, хъасин гъапи: "Алабхь!" Гьаддихъанмина фукlара кlваълан гьархурдариз».
