Дагъустандин Муфтий, шейх Аьгьмад афандийи мусурмнар улубкьурайи гирами машкврахъди тебрик апIура

Дагъустандин Муфтий, шейх Аьгьмад афандийи мусурмнар улубкьурайи гирами машкврахъди тебрик апIура

Дагъустандин Муфтий, шейх Аьгьмад афандийи мусурмнар улубкьурайи гирами машкврахъди тебрик апIура

«Ассаламу аьлейкум ва рагьматуллагьи ва баракатугь. Гьюрматлу гъардшар ва чйир! Гьямд ибшри Аллагьу Тааьлайиз, ухьуз му гирами машквраз ккилигуз, думу машквар къайд апIуз мумкинвал тувбан!

Му машквар гьяж ккудубкIувалин аьхю машквар ву. ЧIуру уьзур айивализ асас духьну, гьяж апIуз мумкинвал адарди гизаф читинди гъабхьнийи, хъа магьа гьамус ухьуз мициб мумкинвал ачухъ гъабхьну, гьямд ибшри Аллагьдиз ﷻ. Гъит Аллагьу Таьлайи дицдар чIуруваларихьан ухьу уьрхри. Гьаму йисан Аллагьу Тааьлайи Чан рягьимлувалиинди гизаф мусурмнариз гьяждиз гъягъюз мумкинвал тувна. Гъит Аллагьу Тааьлайи дурарин гьяж кьабул апIри ва ихьра варидарин гъапIу гъурбан кьабул апIри! Амин!

Му йигъар гьарсар мусурман касдиз гирами вуйидар, ужувлан ляхнарихьна гьялак апIрудар, Аллагьу Тааьлайиз табигъ духьну дугъан амрар тамам апIуз чалишмиш шлудар ву. Му ляхнихъан ихь юкIвар шад дархьиди гъудрузур.

Гъурбан машквар, вари мусурмнар сатIи апIури, чиб-чпин арайиъ сабвал, гьюрмат хьпан ляхнариз себеб шулайиб ву. Гьаз гъапиш му йигъан гъурбан убккури, чиб-чпихьна машквар тебрик апIуз гъягъюри, садакьа туври шулу.

Дупну ккундуки, му машквар йигъари ихь гьюкуматдиъ ва жара гьюкуматариъра мюгьтаж’вал айидариз, мискинар-факьирариз кюмек апIури шулу. Гьарури чав гъубккубдикан капIри, садакьа туври гьациб къайдайиинди мискинар-факьирар, йитимар шад дапIну, дурар рази ктауру.

Ислагьвал, шадвал ва бахтар ишри, гьюрматлу гъардшар ва чйир! Машквар мубарак ибшри!»

2026-03-01 (Рамазан 1447 г.) №3.


Бисми дапIну, абин кIулихъ ясин урх

Гьюрматлу ватандашар, гьаму шиърар Табасаран райондин ТинитI гъулан вакил Зейнудин Фятягьовди гъидикIдар ву. Шиърарин цIарариъ улихьдин чIалнан девлет ва багьалувал, инсандин ислам диндихьна вуйи рафтар улупура.   Фятягьов Зейнудин Аьбдулфятягьович 1930-пи йисан 30-пи майди Табасаран...


Кьюб гъулан имам

Ахьитl ва Жвулли гъулан имамдихъди интервью   Ассаламу аьлайкум, аьзиз ватанагьлийир! Магьа нубатнаан ражари ихь имамарикан вуйи мялумат туврахьа. Гъийин ихь интервью туврайи имамдин чан хусусивалар а. Дурарикан саб - думу кьюб гъулан имам вуйивал.   Ав, му касди Аллагьу Тааьла бадали...


Суал-жаваб

- Ич гъулан имамди улихь йисанра, гьаму йисанра Рамазандин ваз ккебгъруган ва ккудубкlруган, чаз ккуниси гьюкум адабгъура. Магьа гьаму йисанра ушвин ваз сад йигъ улихьна ккебгъну, ва гьаддиан ич жямяаьт гьамусяаьт кьюб тереф духьна. Гьаму дюшюшдиъ аьдати инсанари фу дапlну ккун? - Гьяйифки, саспи...


Вакьф фу-вуш ва дидин шартIарикан жикъиди

Ассаламу аьлейкум, гьюрматлу ватанагьлийир! Узуз гьаму бицIи макьалайиъ вакьф фу-вуш ва, думу тамам хьпан бадали, фицдар шартIар аш, гьадрарикан ктибтуз ккундузуз. Ихь мусурман гъардшарин ва чйирин вакьфдихъди аьлакьалу гизаф суалар шулу. ИншаАллагь, гьаму макьалайиъ ухьу жикъиди дидкан хабар...


Инсанарин чIуруваларихьан уьрхру 4 дюаь

Ухькан саспидариз, белки, алахьнушул сар шликIа ухьуз зарар шлу ляхнар апIру дюшюшар. Уьмрин тажруба айи ва Аллагьу Тааьлайихъ кIваантIан хъугънайи касдиз ухьухъди шулайиб вари анжагъ Сар Аллагьдихьан ﷻ вуйибдиин инанмиш ву, гьаддиз дицир кас, инсанарихьан вуйи писвалихьан уьрхя, кIури, Аллагьу...