Гирами машквар мубарак ибшри!

Гирами машквар мубарак ибшри!

Учву вари гирами Ид аль-Адгья - Гъурбан машкврахъди тебрик апlураза!

Му гирами йигъар-йишвари Аллагьу Тааьлайи ухьуз гъурбан убккбахъди улупнайи аьламатнан ляхнарикан фикир апlури шулухьа. Му Аллагьу Тааьлайиз жвуван табигъвал улупру вахт ву.

 

Думу йигъари ухьу, ихь кюмекназ ккилигурайидариз фикир туври, мирасар-багахьлуйириин, дустариин улукьури, Аллагьу Тааьлайикан ихь гъубкку гъурбан кьабул апlуб ккун апlури шулхьа.

Аллагьу Тааьлайи гирами Каламдиъ дупна (мяна): «Учву (эй мусурмнар), ужувлахъ хъуркьидарчва (яни женнет кьисмат хьидарчвуз), учвуз ккунибдикан Дугъан рякъюъ харж дарапlдикьан гагьди. Ва учву фукьан харж гъапlнуш, Аллагьдиз дидкан аьгъя (дидхъан тамамди саваб тувди)» (сура «Али Имран», 92-пи аят). Гъит му гафар Аллагьу Тааьлайин рякъюъ хъанара артухъди харж апlуз ухьуз кьувват туврудар ишри.

Агъзрариинди ихь мусурман гъардшар ва чйир гирами жилариина гьяж апlуз душна. Дурарин апlурайи ибадат, дюъйир кьабул апlуб ккун апlурахьа.

Гъит Аллагьу Тааьлайи дурари гъубкку гъурбан кьабул дапlну, гьяждин вари арканар тамам дапlну, сагъ-саламатди гъюру инсанарикан ишри.

Гьаму гирами йигъари ухьу ихь гьюкуматдиъ ва вари дюн’яйиъ ислягьвал хьуб ккун апlурахьа.

Гьюрматлу гъардшар ва чйир! Аллагьу Тааьлайикан ккун апlураза ихь вари дюъйир, гъубкку гъурбан кьабул апlуб! Амин!

Гъурбан машквар мубарак ибшри!

 

Дагъустан Республикайин муфтий шейх Аьгьмад Афанди Аьбдулаев

 

2026-03-01 (Рамазан 1447 г.) №3.


Закат уль-фитIр (ушварин сэъ)

Рамазандин вазли ушварин кьяляхъ тувру закат аьлимари инсандин жандилан вуйи закат ву, кIура. Ухьу зиихъ гъапиганси, «закат» кIуру гафнан мяна «марцц апIувал» ву.   Фици закатди ариш-веришдилан эйсийин даруб гъядябгъюри, думу марцц апIуруш, ари гьаци ушварин кьяляхъра закатди инсандин беден марцц...


Суал-жаваб

- Ич гъулан имамди улихь йисанра, гьаму йисанра Рамазандин ваз ккебгъруган ва ккудубкlруган, чаз ккуниси гьюкум адабгъура. Магьа гьаму йисанра ушвин ваз сад йигъ улихьна ккебгъну, ва гьаддиан ич жямяаьт гьамусяаьт кьюб тереф духьна. Гьаму дюшюшдиъ аьдати инсанари фу дапlну ккун? - Гьяйифки, саспи...


Ушв бисруган ният апIбан къайда

Ушв бисруган тамам ният апIуз ккуни касди гьамциб къайдайиинди апIуру: «Узу ният гъапIза закур гьаму йисандин Рамазандин вазлин фарз ушв бисуз, Аллагь бадали».   Ушв кьаза апIурайири гьамци ният апIиди: «Узу ният гъапIза закур Рамазандин вазлин кьаза вуйи фарз ушв бисуз, Аллагь...


Вакьф фу-вуш ва дидин шартIарикан жикъиди

Ассаламу аьлейкум, гьюрматлу ватанагьлийир! Узуз гьаму бицIи макьалайиъ вакьф фу-вуш ва, думу тамам хьпан бадали, фицдар шартIар аш, гьадрарикан ктибтуз ккундузуз. Ихь мусурман гъардшарин ва чйирин вакьфдихъди аьлакьалу гизаф суалар шулу. ИншаАллагь, гьаму макьалайиъ ухьу жикъиди дидкан хабар...


Инсанарин чIуруваларихьан уьрхру 4 дюаь

Ухькан саспидариз, белки, алахьнушул сар шликIа ухьуз зарар шлу ляхнар апIру дюшюшар. Уьмрин тажруба айи ва Аллагьу Тааьлайихъ кIваантIан хъугънайи касдиз ухьухъди шулайиб вари анжагъ Сар Аллагьдихьан ﷻ вуйибдиин инанмиш ву, гьаддиз дицир кас, инсанарихьан вуйи писвалихьан уьрхя, кIури, Аллагьу...