Дагъустандин Муфтий, республикайин аьлимарин Советдин председатель шейх Аьгьмад афандийи мусурмнар улубкьурайи гирами машкврахъди тебрик апIура

Дагъустандин Муфтий, республикайин аьлимарин Советдин председатель шейх Аьгьмад афандийи мусурмнар улубкьурайи гирами машкврахъди тебрик апIура

Гьюрматлу гъардшар ва чйир! Гьямд ибшри Аллагьу Тааьлайиз, ухьуз му гирами машквраз ккилигуз, думу машквар къайд апIуз мумкинвал тувбан! Му йигъар гьарсар мусурман касдиз асас вуйидар, ужувлан ляхнарихьна гьялак апIрудар, Аллагьу Тааьлайиз табигъ духьну дугъан амрар тамам апIуз чалишмиш шлудар ву.

Му ляхнихъан ихь юкIвар шад дархьиди гьичра даршул. Му гирами йигъари мусурмнари гъурбан убккури шулу, ва думу убккувалиинди ухьу жвуван диндихьна вуйи гьюрмат, заанвал улупурахьа. Гъурбан машквар, вари мусурмнар сатIи апIури, чиб-чпин арайиъ сабвал, гьюрмат хьпан ляхнариз себеб шулайиб ву. Гьаз гъапиш му йигъан гъурбан убккури, чиб-чпихьна машквар тебрик апIуз гъягъюри, садакьа туври шулу. ДумутIанна гъайри, Гъурбан машквар гьяж ккудубкIбан лишанра ву. Гьяйифки, му йисан абхънайи чIуру уьзриан ихь гьюкуматдиан вуйи мусурмнариз гьяж апIуз мумкинвал адар.

Аллагьу Тааьлайикан ихь халкь му чIуру уьзрихьан уьрхюб, аьзарлуйириз сагъвал тувуб ккун апIураза. Гьаддихъди сабси ухьу гъапIу гъурбан, туву садакьа кьабул апIубра ккун апIураза. Ихь гунгьарин аьфв апIри, юкIвар марцц апIри, ужувлан ляхнарихъан артухъ савабар туври. Ислагьвал, шадвал ва бахтар ишри, гьюрматлу гъардшар ва чйир! Машквар мубарак ибшри!

2026-07-01 (Мугьяррам 1448 г.) №7.


Табасаран жямяаьт гьяждиъ

Ассаламу аьлайкум, аьзиз халкь. Аьхиримжи йисари гирами жилариина гьяждиз гъягъру табасаран дестйирра духьна. Душваз анжагъ ихь табасаранлуйир дахил шула ва саб хизанси чпин фарз тамам дапну гъюри шулу.   Магьа гьаму йисанра, му дестейиъ 48 кас ади, табасаранлуйир гирами жилариина гъушну. Майдин...


Цlийи йисаъ учlвнахьа!

Ассаламу аьайкум, гьюрматлу ватанагьлийир! Магьа гьижрайиинди 1448-пи йис улубкьна. Мугьяррамдин ваз цlийи йисандин сабпи ваз ву. Му вазлин дахилнаъ гирами Аьшурайин йигъра а. Мусурман касдиз му ваз лап заануб ву.   Гьарсар касди чан ккудубшу йисандин натижйир адагъну ккунду, ва думу йисан...


Чиб-чпихьна сабурлувалиинди янашмин йихьай

Адашиз сар хъпебехъру чIуру бай ади гъахьну. Дугъу кми-кмиди абйир-бабариз гиран ктапIуйи. Гьар ражари бали чаз гиран ктапIган, адаш жара хулазди учIвну, душван цIализ ккум йивури гъахьну, гьаци чав сабурнахъна гъюз кIури. СацIиб вахтналан думу цалик ккум йивуз йишв кимдайи.   Саб ражари бай...


Жаназа гъудган шли дапlну ккуниб ву?

Жаназа гъудган мусурмнарин жямяаьтдиин али фарз ву (фарз аль-кифая). Гьаддиз, эгер жямяаьтдин арайиан сар касдикьан жаназа-гъудган алапlиш, имбударилан фарз алдабхъура ва дурариз гунагьра шулдар. Хъа сарикьан думу ляхин дарапlиш, вари жямяаьт гунагьнаъ шулу.   Жаназа-гъудган сар касди апlуб...


Гьаму дюн’ятIан заан вуйи гъудган

Гьаму дюн’я ва вари му дюн’яйиъ айибтIан заанди ва багьалуди вуйи гъудган айин?   Имам Муслимдихьан вуйи Пайгъамбарин ﷺ гьядисдиъ гьамци дупна: ركعتا الفجر خير من الدنيا وما فيها   «ГвачIниндин гъудгнин улихь вуйи кьюб ракааьт суннат-гъудган заанди ву гьаму...