Мициб талит гьеле гъабхьундар

Мициб талит гьеле гъабхьундар

Мициб талит гьеле гъабхьундар

Табасаран улихь вахтарихъанмина гизаф аьлимар, илмиин юкlв али инсанар ади гъахьи йишв ву. Му ляхни ихь халкьдин Ислам диндихьна ккунивал айиб улупура. Гъийин девриъ ухьура му ляхин тасдикь дапlну ккун, фицики гирами диндин асас мяна, фарзар, рукнар, гьядисйир ухьлантина ихь насларихьнара дурукьну ккунду.

 

Инсанарин диндикан вуйи аьгъювалар хъанара яркьу апlбан метлеб ади, Дагъустандин Муфтиятдин терефнаан жюрбежюр серенжемар, мажлисар, талитар кlули гъахури шулу.

Магьа гьаму апрелин вазли ихь халкьдин арайиъ сабпи ражари вуди мициб аьхю талит кlули гъябгъиди.

Думу талит Дагъустандин муфтий, шейх Аьгьмад афандийин «Благонравие праведников» кlуру китабдиан шулу. Талит вариурусатдинуб ву, душваъ ихь гьюкуматдин фуну йишваъ вушра яшамиш шулайи табасаранлуйихьан иштирак хьуз шулу.

Му талитнаъ сабпи йишваз лайикь гъахьириз «Лада Гранта» машин тувди, мутIан савайи иштиракчйириз жара пешкешарра гьязур дапlна.

Талитнаъ иштирак хьуз ккунидари ва гьацира, талитнан гьякьнаан жара суалар аш, гьадрари гьаму нумрайиз зенг апlинай: +7 960 412 47 37

 

2026-07-01 (Мугьяррам 1448 г.) №7.


Ничlрас гъулаъ цlийи имам

Табасаран райондин варитlан ачухъди ккабалгнайи гъуларикан саб Ничlрас гъул ву. Му гъул жямяаьтдин арайиъ аьхюдарихьна гьюрмат ади, бицlидарихьна рягьимлувал ади янашмиш шулайиб ву.   Рягьматлу Хайирбег халу му гъулаъ имамди вуйи вахтна дарсариз гизаф бицlидар гъюри шуйи. Гъул-жямяаьтдин...


Гирами Кьур’андиан вуйи насигьятар

Гирами Кьур’ан инсаниятдин аьхиризкьан варидариз насигьят вуди дебккнайиб ву. Аллагьу Тааьлайин душваъ дупнайи гафарихъди гъягъюри гъахьиш, инсандиз му жилиинра, аьхиратдиъра аьхю ужувлар шул. Магьа ичв фикриз гирами Кьур’андин «Гьюжурат» сурайиан вуйи насигьятар туврача....


Хизан, хизан…

Ихь аьхю абйириланмина ухьухьна хизан бадали дурубкьнайиб саб ву: эгер увуз хизан уьбхюз ккундуш, читинвалар алахьруган, ккюгъну ккунду ва дурар гьял апlуз чарйир агури ккунду. Гьяйифки, му гафарин вари гъаври адар. Жилири му гафар анжагъ хпиризтlан кайидар дар кlура, хъа хпирисана му гафар жилириз...


Суал-жаваб

- Жилир убхърур вуйиз. Гьадму себеб вуди дугъхьан жара хьуз ккундузуз. Ипlруб-алабхьруб тувра, амма гьаци вушра, дугъу арагъ убхърувалиан сарун дугъахъди яшамиш хьуз ккундарзуз. Узуз тlалакьдин гафар тувну йиз хулаз гьаъ гъапиган, гъярхьивалар шулайич. Гьамдин гьякьнаан узу имамдихьна душну...


Жаназа гъудган шли дапlну ккуниб ву?

Жаназа гъудган мусурмнарин жямяаьтдиин али фарз ву (фарз аль-кифая). Гьаддиз, эгер жямяаьтдин арайиан сар касдикьан жаназа-гъудган алапlиш, имбударилан фарз алдабхъура ва дурариз гунагьра шулдар. Хъа сарикьан думу ляхин дарапlиш, вари жямяаьт гунагьнаъ шулу.   Жаназа-гъудган сар касди апlуб...